Има акции со кои трети лица и помагаат на „К.А.Д менаџмент сервисес“ да го купи кавадаречкиот комбинат „Еуроникел индустри“ за пониска вредност, соопштија денеска од „Еуроникел“. „Блумберг Адрија“ веќе објави дека К.А.Д Менаџмент сервисес“ со седиште во Никозија веќе доставила понуда за преземање, за што потврдија и извори од комбинатот, а не демантираа ниту од кипарската фирма. Со соопштението впрочем од „Еуроникел индустри“ от кој има големо значање за домашната економија потврдија за развојот на настаните во таа насока.
Според наши информации поранешен „Фени“ односно „Еуроникел индустри“ не работи од минатиот петок, а фабриката била ставена на одржување, процес во кој печките се оставаат топли и се троши само по пет мегаватчасови струја. Нашите извори коментираа дека ако се исклучи струјата, за што има ризик, поради неплатените долгови, печката може и да пукне. Од „Еуроникел“ во попладневното соопштение кое следуваше откако ние испративме мејл со прашања, потврдуваат дека комбинатот влегува во процес на одржување на производството. Тврдеа и дека платите на вработените се исплатени денеска.
„Еуроникел индустри“ влегува во процес на одржување на производните капацитети. Ова следува како резултат на пазарното преструктуирање, промените и пазарните барања, при што е неопходно компанијата да спроведе финансиска консолидација со што би се обезбедило понатамошно работење и континуитет на работењето на компанијата“, стои во соопштението. „Вработените редовно земаат плата, септемвриската плата е исплатена денеска, а состојбата со одржувањето на производството ќе биде проследена со прераспределба и ротација на вработените во различни погони“
Оттаму велат дека по внатрешното преструктуирање на производниот процес, кое се очекува да трае еден месец, намерата е стабилизирање на состојбата и отпочнување со редовна работа и план на производство според договорите и барањата.
Но имаат и други тврдења. „Влегувањето во процес на одржување е првенствено резултат на дејствијата на трето лице. „Ароу металс и трејдинг“ (ArrowMetals & Trading”), главниот снабдувач на руда и фероникел клиент на „Еуроникел“ ги одложи плаќањата, ги намали или целосно ги измени нарачките без претходна најава и тоа во рок од неколку дена. Не ни е јасно дали тоа е затоа што „Ароу металс се наоѓа во тешка финансиска состојба или пак има за цел да му помогне на КАДМС што е во сопственост на Константинос Даскалакис, таткото на Андреас Даскалакис, очигледниот сопственик на „Ароу“, со цел да го купи „Еуроникел“ за многу помала вредност.
Сите детали од нашата објава за преземањето овде.
.webp){kind=icon}
