.webp){kind=icon}
Фармацевтската компанија „Астра Зенека“ ги зголеми прогнозите за профит за годинава и потпиша договор за развој на лек наменет за пациенти со дијабетес и дебелина.
Договорот со „Екоген“ (Eccogene), кој би можел да вреди дури две милијарди долари, е поврзан со експериментален лек што минува низ рани клинички испитувања за дијабетес. За разлика од постојните терапии, овој лек не се инјектира, туку се зема орално.
Извршниот директор на фармацевтскиот гигант Паскал Сориот зачекорува на полето во кое доминираат „Ново Нордиск“ и „Лили“, додека ги жнее наградите од ризичниот потег за терапија за рак, чија цел е да го трансформира слабиот бизнис на британскиот производител на лекови.
Bloomberg Mercury
Приходите на „Астра Зенека“ за цела година најверојатно ќе бидат едноцифрени, а основната заработка по акција ќе има низок двоцифрен раст, се наведува во соопштението на британскиот производител на лекови при објавувањето на финансиските резултати.
Компанијата ја стави на приоритет терапијата за рак што ја разви во соработка со јапонската медицинска компанија „Даичи Санкјо“ (Daiichi Sankyo). Веќе е воведена терапија на лекот за рак на дојка, енхерту (Enhertu), од кој се очекува да биде успешен во иднина.
Компанијата со седиште во Кембриџ објави основна заработка по акција во третиот квартал од 1,73 долар, во согласност со очекувањата на аналитичарите, поттикнати од побарувачката за лекови за рак.
Акциите на „Астра Зенека“ паднаа за околу 4,6 отсто во последните 12 месеци. Тие неодамна беа под влијание на стравувањата на инвеститорите во врска со потенцијалот на лекот да ја замени хемотерапијата во лекувањето на ракот на белите дробови.
