text size
„Гранит“ преку Македонската берза информира дека дел од членовите на Управниот одбор и Надзорниот одбор се стекнале со акции од градежната компанија.
„Зоран Милковски, член на Управен одбор се стекна со 15.417 обични акции и Ивана Милковска Симева, член на Надзорен одбор се стекна со 10.000 обични акции“, соопшти компанијата.
„Блумберг Адрија“ веќе објави дека во блок-трансакција вредна 29,1 милиони денари (473.000 евра) на 29 ноември годинава преку Македонската берза се продадоа 25.417 акции од градежната компанија „Гранит“. Акциите се продадоа по цена од 1.145 денари за акција.
Прочитај повеќе
Продаден блок од 25.417 акции од „Гранит“ за 473.000 евра
Второ тргување со големо количество акции од „Гранит“ во изминативе денови.
29.11.2023
Страшо Милковски купи 11.731 акција од „Гранит“
Белградската компанија „Бард-Коп“ (Bard-Kop DOO) лани стана нов акционер што поседува над пет проценти од акциите издадени од „Гранит“
22.11.2023
„Гранит“ го зголеми профитот за 65 проценти
Од „Гранит“ информираат дека остварените консолидирани вкупни приходи бележат зголемување за еден процент.
16.11.2023
Тоа беше второ тргување со големо количество акции од „Гранит“ во период од две недели. Претходно, Страшо Милковски, кој е претседател на Управниот одбор на „Гранит“ се стекна со 11.731 акција од компанијата.
„Блумберг Адрија“ веќе пишуваше дека во периодот септември-ноември 2022 година во неколку блок-трансакции и преку јавна берзанска аукција беа истргувани големи пакети акции од компанијата. Имено, белградската компанија „Бард-Коп“ (Bard-Kop DOO) стана нов акционер што поседува над пет проценти од акциите издадени од „Гранит“. Компанијата со седиште во Нов Белград купи 155.346 обични акции од македонската градежна компанија, кои претставуваат 5,61 проценти од вкупните акции со право на глас.
Отворениот задолжителен пензиски фонд „Сава пензиски фонд“ излезе од сопственичката структура на „Гранит“ откако на јавна аукција, одржана на Македонската берза, беше продаден пакет од 236.120 акции од градежната компанија. Пакетот на акции, кој претставуваше 7,69 проценти од сопственоста на „Гранит“, се продаде по цена од 1.450 денари за акција, односно за вкупна сума од 342 милиони денари (околу 5,5 милиони евра). Претходно засилено купување акции имаше и од страна на менаџментот на градежната компанија.
Според податоците на Централниот депозитар за хартии од вредност, заклучно со 4 декември годинава, акционери кои поседуваат над пет проценти од акциите на „Гранит“ се „Бард-Коп“ кој е сопственик на 5,06 проценти од вкупниот број обични акции, „Гранит“ ( 9,81 проценти), Ивана Милковска-Симева (9,17 проценти) и Зоран Милковски (9,61 проценти).
.webp){kind=icon}
