Авиокомпанијата „Ер Србија“ (Air Serbia) планира во наредниот период да купи нов авион, како и да лансира неколку нови линии до САД и Кина.
Директорот за комерцијала и стратегија на „Ер Србија“, Бошко Рупиќ, за телевизијата на „Блумберг Адриа“ изјави дека планот е да се воведат директни летови за Кина на крајот на октомври или почетокот на ноември и додаде дека оваа зима ќе има два лета неделно, од кои еден ќе биде спроведуван од „Хајнан Ерлајнс“ и еден од „Ер Србија“.
„За нас како авиокомпанија ова е значајно поради развојот на сообраќајот на долги релации, присуството на голем пазар. Фокусот не е само на Србија, туку и на целиот регион, кој преку Белград ќе биде поврзан со директни летови за Кина“, рече Рупиќ.
Според него, планот на „Ер Србија“ е да отвори уште една долга рута до САД.
„Втората точка до која ќе летаме во САД е Чикаго, од април следната година, а во врска со тоа најавивме и пристигнување на уште еден авион за долги релации што ќе го носи ликот на нашиот голем научник, Михајло Пупин“.
Рупиќ рече дека интензивно се работи на подготовка за отворање на овие две нови линии, а планот е да се зголеми и бројот на летови до Њујорк. „Следното лето Белград секој ден ќе биде поврзан со Њујорк“, додаде тој.
.webp){kind=icon}
