Врховниот суд на Индија му нареди на регулаторот на пазарот да ја заврши истрагата за „Адани Груп“ (Adani Group) во рок од три месеци и одлучи дека не се потребни дополнителни истраги. Со ова најверојатно завршува едногодишната правна сага предизвикана од нападoт на шортселерот (анг. short-seller термин што се однесува на некој што продава акции што ги позајмил, надевајќи се дека нивната цена ќе падне пред да ги oткупи и врати на сопственикот, со цел да оствари профит з.п) „Хинденбург“ (Hindenburg) на индискиот конгломерат.
Тричлениот судски совет во средата побара од Одборот за хартии од вредност на Индија (анг. Securities and Exchange Board of India - SEBI) да ги забрза тековните истраги и ја повика федералната влада да ги спроведе препораките на експертскиот панел за зајакнување на регулаторната рамка.
По пресудата, акциите на десетте котирани компании на „Адани Груп“ се тргуваа во зелено во Мумбај. Акциите на водечката компанија „Адани ентерпрајзес“ (Adani Enterprises) пораснаа за 9,1 отсто, на највисоко ниво во повеќе од 11 месеци.
Прочитај повеќе
Најбогатиот Азиец за два дена изгуби 50 милијарди долари
Прашина крена извештајот на „Хинденбург рисрч“ за проблематичното корпоративно управување.
27.01.2023
Како најголемиот заработувач додаде 40 милијарди на своето конто во 2022-та
Додека повеќето милијардери изгубија пари во 2022 година, Адани го зголеми своето богатство за 40 милијарди долари.
28.12.2022
Најбогатиот Азиец со проект за чиста енергија во Европа
Гаутам Адани, најбогатиот човек во Азија, е во прелиминарни преговори за гигантски проект за обновливи извори на енергија.
21.10.2022
Азиец за првпат меѓу тројцата најбогати во светот
Индискиот бизнисмен го напуштил факултетот и си ја пробал среќата како трговец со дијаманти пред да се сврти кон јаглен.
30.08.2022
Пресудата оди „во полза на 'Адани Груп'“, изјави Кранти Батини, пазарен стратег во „Велт милс“ (WealthMills Securities) во Мумбај. Додека сè уште се чека објаснување од СЕБИ за тековните истраги, Батини рeче дека судот повторил оти жестоките надворешни извештаи против „Адани Груп“, „не се основа за надворешна истрага“.
Интензивна истрага
Пресудата на индискиот највисок суд доаѓа по речиси една година интензивно испитување на милијардерот Гаутам Адани, чиј конгломерат постојано ги негираше наводите на „Хинденбург рисрч“ (Hindenburg Research) за корпоративни малверзации, манипулации со цените на акциите и трансакции со поврзани страни.
Наводите доведоа до огромен пад на акциите и обврзниците на Адани, во еден момент бришејќи повеќе од 150 милијарди долари пазарна вредност. Тоа, исто така, го принуди индискиот конгломерат на повеќемесечна контрола на штетите што вклучуваше плаќање на долгот, олеснување на загриженоста на инвеститорите преку промотивни настани низ светските финансиски центри и кратење на несуштинските бизниси.
Врховниот суд на Индија во март му нареди на СЕБИ да ги разгледа наводите на „Хинденбург“. Беше формирана и шестчлена експертска комисија за да процени дали имало пропусти во регулативата. Комисијата во мај објави дека не може да заклучи оти имало некакви пропусти, ниту пак дека има убедливи докази за манипулација со цените на акциите од страна на конгломератот.
Пресудата доаѓа додека „Адани Груп“ продолжува да ја враќа довербата меѓу инвеститорите и кредиторите. Во последните месеци, конгломератот обезбеди инвестиции од ГОГ (GQG Partners) и блискоисточни државни фондови, финансирање од американски владини агенции, рефинансираше заем од 3,5 милијарди долари и вети 100 милијарди долари за зелена транзиција.
„Мислам дека никој повеќе не е загрижен за 'Хинденбург'“, рече Абхај Агарвал, основач и менаџер на портфолија во „Пајпер серика“ (Piper Serica Advisors). „Фокусот на инвеститорите сега е на заработката и вреднувањето на поединечните компании“.
.webp){kind=icon}
