.webp){kind=icon}
„Старбакс“ (Starbucks Corp.) ги намали очекувањата за продажбата во текот на целата година, но ја задржа целта за профит за 2024 година, при што директорите предвидуваат дека поголемата ефикасност, новите продавници и јадрото на лојални клиенти ќе го неутрализираат забавувањето на растот на приходите.
Компанијата објави дека продажбата во последниот квартал пораснала најбавно во 2023 година, што го натера гигантот за кафе да ја намали прогнозата за продажба за цела 2024 година.
„Притисоците што предизвикаа слаби перформанси се минливи“, рече главната финансиска директорка Рејчел Ругери во разговор со аналитичарите во вторникот. „Посетите од повремените купувачи паднаа во кварталот, но веќе почнаа да закрепнуваат“, вели извршниот директор Лаксман Нарасимхан.
Акциите поскапеа за 4,2 отсто, во 18.14 часот, во доцното тргување во Њујорк. Акцијата изгуби 13 отсто во изминатите 12 месеци, во споредба со 23 отсто добивка за индексот S&P 500.
„Очекувањата се веројатно дури и помали од процените на Волстрит“, вели Брајан Јарброу, аналитичар во „Едвард Џонс“. „Кварталот помина малку подобро од очекуваното“.
„Војната меѓу Израел и Хамас значително влијаеше на сообраќајот и продажбата на Блискиот Исток“, рече Нарасимхан. Конфликтот влијаеше и на американскиот бизнис. Покрај тоа, закрепнувањето во Кина е побавно од очекуваното. Сепак, вкупната продажба во продавниците што работат повеќе од една година во Северна Америка беше главно непроменета, а оперативната маржа во регионот исто така ги надмина процените.
Тие надежи помагаат компанијата да остане оптимист за втората половина од годината, дури и ако резултатите од тековниот квартал се под прогнозите за целата година. Директорите велат дека силата на најлојалните клиенти и зголемувањето на дигиталната продажба го поттикнуваат оптимизмот, заедно со поголемата ефикасност во работењето на продавниците. Компанијата ги засили промоциите, вклучувајќи и пијалаци по половина цена, за да привлече клиенти.
