„Стопанска банка“ АД Скопје во текот на минатата година оствари добивка од 3,4 милијарди денари (56,4 милиони евра), што е зголемување во однос на претходната година кога добивката на банката изнесуваше 2,3 милијарди денари (38,6 милиони евра), покажува неревидираниот неконсолидиран биланс на успех на банката објавен преку Македонската берза.
Од банката информираат дека има зголемување на нето-приходите од камати како резултат на зголеменото кредитно портфолио и останати позиции во рамки на ликвидната актива на банката, во услови на тренд на пораст на каматните стапки, кој беше присутен во текот на 2023 година.
Нето-приходите од провизии и надоместоци се намалени за 10 проценти во однос на анализираниот период во 2022 година.
Прочитај повеќе
„Стопанска банка АД Скопје“ со профит од 40,3 милиони евра за девет месеци
Значително зголемување на добивката во однос на истиот период минатата година
27.10.2023
Ексклузивно со генералниот директор на НБГ: Подготвени за натамошна експанзија
Ексклузивно интервју на главниот извршен директор на Националната банка на Грција, Павлос Милонас, за „Блумберг Адрија“.
30.05.2023
„Ова се должи на зголемени расходи од провизии кои банката ги плаќа на компаниите кои ги обезбедуваат овие услуги, пред сѐ во сферата на платните системи и картичното работење, без притоа порастот на тие трошоци да го пренесе на крајните клиенти.“, велат од банката.
Во однос на наредниот период, од банката велат дека во согласност со проекциите на ММФ од октомври 2023 година, глобалниот економски раст ќе забави на три проценти со крајот на 2023 година и дополнително на 2,9 проценти до крајот на 2024 година, со поизразен пад на економската активност кај развиените економии.
„Истовремено, инфлаторните притисоци се очекува да се стабилизираат и да ја отстранат потребата од натамошно затегнување на монетарната политика и зголемување на каматните стапки од страна на централните банки ширум светот.“, велат од банката.
Оттаму додаваат дека очекувањата за домашната економија, како мала и отворена економија која силно ги чувствува сите турбуленции на меѓународната сцена, се фокусирани на инвестициите - како јавните, така и приватните, кои пак од своја страна ќе треба да се соочат со сите предизвици на изборна година во Македонија.
„Исто така, се очекува пораст на личната потрошувачка, како и закрепнување и благ пораст на извозните активности, кои се еден од генераторите на девизните приливи во домашната економија.“, велат од банката.
Очекувањата за депозитниот и кредитниот раст се на нивото од 8 проценти и 7 проценти, респективно.
.webp){kind=icon}
