Сезоната на објавување на податоците за заработувачката во Европа има еден од најлошите почетоци, покажуваат податоците на ЏП Морган според кои најмал број компании ги надминале проекциите во последните 15 години.
Меѓу Stoxx 600 компаниите што објавиле податоци досега, само 45 отсто ги надминале проекциите. Тоа е далеку од стапката од 79 отсто што доаѓа од САД. Стратезите велат дека резултатите се особено лоши со оглед на тоа што аналитичарите ги намалија своите проекции во пресрет на сезоната и дека спуштениот праг нормално би било лесно да се надмине.
„Многу големи европски економии, пред сè во Германија, едноставно се во многу тешка ситуација“, рече Татјана Пухан, директор за инвестиции во „Коперникус Велт Менаџмент“. „Тоа им отежнува на компаниите да растат и да бидат профитабилни“.
Секако, сезоната само што почна и трендовите може да се променат. Само една петтина од компаниите од Stoxx 600 доставиле податоци во овој момент. Сепак, со оглед на тоа што европските берзи срамежливо достигнаа рекордно ниво, инвеститорите се загрижени дали цените ќе продолжат да растат.
Bloomberg Mercury
Стратегот за капитал на ЏП Морган, Мислав Матејка, рече дека само четири од 10-те големи индустрии забележале позитивен раст на продажбата досега. Севкупно, растот на платите во Европа падна за четири отсто од минатата година и изненади негативно за еден отсто, додаде тој.
Компаниите за суровини се најголем кочничар за растот на вкупната заработка, покажува анализата на ЏП Морган, при што многу нафтени и рударски компании се борат со падот на побарувачката од Кина.
Индустриските и потрошувачките компании, исто така, се издвојуваат со повеќе од 80 отсто полоши резултати од прогнозите, покажуваат податоците на агенцијата за следење на заработката „Блумберг Интелиџенс“. Спротивно на тоа, телекомуникациите и технологијата генерално ги надминаа прогнозите.
Морган Стенли, исто така, објави дека нивните рани податоци покажале дека сезоната на заработка предизвикува загриженост. Тие особено укажуваат на податоците на аналитичарите што го покажуваат најслабиот почеток во кое било тримесечје од 2020 година.
Според нив, ревизиите ќе завршат до пролет, а потоа во втората половина на годината ќе почне закрепнувањето.
.webp){kind=icon}
Во моментов нема коментари за веста. Биди прв да коментира...