Хрватската „Атлантик Група“ го купи „Штраус Адријатик“, соопшти денеска оваа компанија. Трансакцијата со која „Атлантик“ ќе стане сопственик на брендовите како „Донкафе“ и „Ц кафе“, ќе се случи на утре.
„Заедно со познатите брендови, „Атлантик“ презема и модерен производствен капацитет во индустриската зона Шимановци кај Белград и 220 вработени. Трансакцијата беше претходно условно одобрена од Комисијата за заштита на конкуренцијата во Република Србија“, се вели во соопштението.
„Оваа аквизиција ја потврдува стратешката определба на ’Атлантик Групата‘ да ја зајакне нашата основна дејност, од која кафето има голем дел. Верувам дека сите ние – како деловни субјекти, менаџментот на двете компании, вработените, пазарот и потрошувачите – можеме да бидеме задоволни со исходот од оваа трансакција. Ние како лидер на пазарот во целиот регион секогаш ја имавме предвид својата одговорност за развој во Југоисточна Европа и продолжуваме да работиме во истата насока. Пред сè, посакувам искрено добредојде на „Донкафе“ и „Ц кафе“ како и на колегите и колешките кои влегуваат во нашиот систем, радувајќи се на растот и развојот кои се пред нас“, рече потпретседателот на „Атлантик Група“, Мате Штетиќ.
Како што веќе пишуваше „Блумберг Адрија“, „Атлантик“ испрати понуда за купување вредна 40,5 милиони евра, која според корпоративниот финансиски аналитичар на „Блумберг Адрија“, Матео Мошња, е изненадувачки висока сума.
.webp){kind=icon}
