text size
Собирот на содружници на „Раде Кончар-Заеднички дејности“ ДОО Скопје, во кое АД „Раде Кончар-Апаратна Техника“ Скопје поседува 40 проценти од вкупниот број на удели, донесе одлука со која ги усвојува условите од претходно доставената понуда на „Голден Арт“ за купопродажба на управната зграда на друштвото по цена од вкупно 7.000.000 евра, соопштија од компанијата преку Македонската берза.
„Одлуката на Собирот на содружници на „Раде Кончар-Заеднички дејности“ ќе стапи на сила по донесена одлука за одобрување на купопродажбата од страна на Собранието на акционери на содружникот „Раде Кончар-Апаратна техника“, информираат од компанијата.
Оттаму додаваат делка за таа цел, за предметната работа ќе биде свикано и Собрание на акционери на „Раде Кончар-Апаратна Техника“ на кое акционерите на друштвото ќе треба да се изјаснат во врска со наведеното и ќе дадат насока и одобрение на Одборот на директори да преземе понатамошни активности, како и да го врши гласачкото право по основ на уделот во Собирот на содружници на „Раде Кончар-Заеднички дејности“ при натамошното одлучување и реализација на конкретната продажба.
.webp){kind=icon}
