ТикТок ќе го смени директорот кој преговараше со владата на САД

TикТок се подготвува да го отстрани клучниот извршен директор одговорен за уверување на американската влада дека компанијата прави доволно за да ги реши грижите за националната безбедност во врска со врските на компанијата со Кина, велат лица запознаени со ова прашање.

Ерих Андерсен, американскиот генерален советник за ТикТок и кинеската фирма-мајка „Бајт денс“, одржа долги разговори со американската влада за да покаже дека апликацијата прави доволно за да ја спречи Кина да пристапи или да влијае на податоците на американските корисници.

Тие напори не успеаја да ја придобијат меѓуагенциската владина комисија која спроведуваше безбедносен преглед на апликацијата и пратениците во Вашингтон кои размислуваа за легислатива за нејзино принудно отстранување. Во саботата, Претставничкиот дом на САД го одобри нацрт-законот со кој се бара ТикТок да биде продаден од кинеската фирма – мајка или ќе се соочи со забрана од САД.

Компанијата планира Андерсен да ја напушти сегашната позиција, велат луѓето кои зборуваа за овој потег под услов да останат анонимни. Според еден од нив, сепак Андерсен засега останува во компанијата.

„Тоа е 100 отсто неточно“, рече портпаролот на TикТок, Алекс Хаурек, кога беше прашан за коментар дали компанијата ќе го отстрани Андерсен од неговата улога.

Нацрт-законот за одземање или забрана сега брзо се претвора во закон, при што Сенатот е подготвен да ја преземе мерката следната недела. Претседателот Џо Бајден веќе рече дека ќе потпише закон со кој се задолжува продажбата на TикТок во рок од една година.

Андерсен се приклучи на компанијата за социјални медиуми во 2020 година од „Мајкрософт Корп“ каде што беше корпоративен потпретседател и генерален советник.

Во моментов нема коментари за веста. Биди прв да коментира...

Остави коментар