„Астра Зенека“ ја повлече својата вакцина против ковид-19 од пазарот поради недостиг од побарувачка за вакцината што првично поттикна надеж дека ќе игра клучна улога во заштитата на светот од вирусот.
Одобрението за ставање во промет за вакцината, ваксеврија, во Европската Унија беше повлечено по барање од компанијата неделава, бидејќи вакцината повеќе не се произведува или испорачува, се наведува во соопштението на компанијата. Одлуката не е поврзана со безбедносни причини, се истакнува во соопштението.
Depositphotos
Вакцината на „Астра Зенека“, која беше развиена со Универзитетот во Оксфорд, првично беше понудена на непрофитна основа и се сметаше за победа за Британија, при што тогашниот премиер Борис Џонсон јавно ја доби својата прва доза. Сепак, пуштањето во употреба беше загрозено од загриженоста за нејзината ефикасност и безбедност, почнувајќи од тоа што францускиот претседател Емануел Макрон ја нарече „квазиефективна“ кај постарите возрасни лица набрзо откако беше одобрена во ЕУ. Вакцината, за која не беше потребно ултрастудено складирањето, како што правеа некои од ривалските компании, се сметаше за добра опција за дистрибуција во големи делови од Земјината топка. Беа обезбедени повеќе од три милијарди дози.
По коментарите на Макрон, дојде поголем удар кога регулаторите почнаа да ја истражуваат поврзаноста на вакцината со многу ретки случаи на невообичаено згрутчување на крвта. Додека регулаторите на крајот открија дека ризикот од вакцината е позитивен, штетата беше направена.
„Астра Зенека“ се соочува со правни предизвици од семејствата на пациенти што починале по примањето на вакцината.
Компаниите, вклучувајќи ги „Фајзер“ и „Модерна“, оттогаш развија ажурирани вакцини против ковид-19 насочени кон понови варијанти. „Астра Зенека“ истакна дека тоа доведе до „вишок достапни ажурирани вакцини“ и пад на побарувачката за нејзините вакцини.
.webp){kind=icon}
