.webp){kind=icon}
„Ново Нордиск“ се впушта во истражување за тоа дали лековите за слабеење можат да им помогнат на луѓето да пијат помалку алкохол, поле што досега го избегнуваше бидејќи се фокусираше на други состојби.
Данскиот производител на лекови планира студија чија секундарна цел е да се види дали нивните производи можат да ја променат дневната потрошувачка на алкохол. Главната цел на испитувањето, кое се очекува да почне овој месец, е да се измери ефектот на лекот кај пациенти со заболување на црниот дроб.
Лековите вклучени во испитувањето се семаглутидите – лекови кои се продаваат под брендовите „Оземпик“и „Вегови“ – како и експерименталниот лек „Кагрисема“, кој комбинира семаглутид со друго соединение кое делува поинаку. Ќе биде тестиран и лек кој е во рана фаза на развој и кој го таргетира хормонот наречен фибробласт фактор на раст 21, за кој е познато дека има потенцијал да придонесе за заболување на црниот дроб, вели Мартин Холст Ланге, шеф за развој на „Ново“.
„Ново“ веќе ги проверуваше своите лекови против дебелина кај други состојби како што се срцевите заболувања, но досега не сакаше да го проверува делувањето на врз алкохолизмот. Се смета дека лековите влијаат на допаминот, невротрансмитер кој помага во регулирањето на пријатни чувства – вклучувајќи го и уживањето во храната и виното – што ги поттикнува независните истражувачи да продолжат со студиите.
Ланге им кажа на инвеститорите минатата година дека ако „Ново“ почне да работи на планот на алкохолизмот, најверојатно ќе ја користи „Кагрисема“ наместо својот блокбастер „Вегови“.
Студијата вклучува пациенти со историја на прекумерно консумирање алкохол, но е дизајнирана да се фокусира главно на оштетување на црниот дроб и употреба на алкохол кај луѓето со заболување на црниот дроб, наместо на самиот алкохолизам. Ланге оваа недела рече дека компанијата има „високи аспирации“ и за „Кагрисема“ и за лек кој го таргетира факторот на раст за лекување на заболување на црниот дроб.
