ПроКредит е развојно ориентирана Групација со визија за постигнување позитивно влијание во земјите каде работи. Истата се состои од дванаесет комерцијални банки со регионален фокус на Југоисточна и Источна Европа. Групацијата, исто така, е присутна во Германија, каде што се лоцирани ПроКредит Холдинг АД, матичното друштво на Групацијата, како и германската ПроКредит Банка, и се простира дури до Јужна Америка, каде што е присутна во Еквадор.
Со околу 90% од нивното кредитно портфолио насочено кон поддршка на бизнисите, ПроКредит банките ставаат структурен акцент на микро, малите и средните претпријатија (ММСП) и имаат за цел да бидат нивна главна банка ("Hausbank"). По успешната 2023 година, Групацијата неодамна ја надгради својата деловна стратегија. Хуберт Спектенхаузер, Извршниот директор на ПроКредит Холдинг, го претстави уникатниот профил на Групацијата и клучните точки на надградената стратегија.
Хуберт Спектенхаузер, Извршниот директор на ПроКредит Холдинг
Господине Спектенxаузер, кои се причините за стратешкиот фокус на ПроКредит во Југоисточна и Источна Европа?
Нашата Групација ги влече своите корени од земјите на Западен Балкан, каде што беше основана првата ПроКредит Банка. Овде, како и во сите наши региони, можеме да ги поддржиме клиентите со нашиот единствен деловен модел како развојно ориентирана комерцијална банкарска Групација. Сите земји во кои сме оперативно присутни се атрактивни и многу релевантни од различни перспективи – од аспект на економската релевантност на МСП, перспективите за раст, аспирациите за членство во ЕУ и потенцијалот за остварување позитивно влијание.
ПроКредит неодамна објави надградена бизнис стратегија. Кои се клучните точки на стратегијата?
Надградувањето следи по една многу успешна година, со рекорден профит на Групацијата од нејзиното основање. Сакаме значително да го зголемиме позитивното влијание на ПроКредит на нашите пазари во Југоисточна и Источна Европа. За да го забрзаме растот во сегментот ММСП, и на среден рок да станеме водечка банка во тој сегмент, Групацијата значително ќе ги зајакне внатрешните капацитети, ќе ги оптимизира процесите на кредитирање и дополнително ќе го прошири арсеналот на достапни услуги прилагодени на потребите на ММСП. Покрај тоа, Групацијата планира селективно и стратешки да го зголеми своето присуство и надвор од главните економски центри, за подобро да го опслужува овој сегмент. Сметаме дека постои добра причина да ја зајакнеме нашата позиција како одговорна и атрактивна дигитална банка за физички лица, бидејќи тоа го надополнува нашиот деловен пристап кон ММСП. За таа цел, сакаме да промовираме култура на штедење, транспарентно да ги поставиме цените за финансирање и да осигураме дека клиентите не се презадолжуваат, истовремено поддржувајќи ги домаќинствата во структурирањето на нивните финансии на разумен начин.
Во контекст на фокусот на ПроКредит на еколошката и општествената одржливост, кои чекори беа преземени за да се максимизира вашето влијание врз животната средина и општеството?
Најновата пресвртница во нашата стратегија за одржливост беше потврдувањето на нашите краткорочни цели за намалување на емисиите преку Иницијативата за научно засновани цели - една од глобалните иницијативи до кои се придржува ПроКредит. Нашиот концепт за развој оди многу подалеку од традиционалниот поим на економски раст. Сакаме да го зголемиме позитивното општествено, еколошко и економско влијание што го создаваат нашите банки. Посветено ги поддржуваме нашите деловни клиенти во нивните напори за постигнување декарбонизација, помагајќи им да преминат кон поефикасни и еколошки помалку штетни деловни активности. Со тоа се поттикнуваат иновации, се придонесува кон градење силни заедници, се поддржува отворањето работни места и се збогатува економијата.
Promo/ProCredit grupa
Повеќе од две децении поставуваме стандарди за одговорно банкарство на македонскиот пазар
ПроКредит има јасна визија за остварување на позитивно влијание и развој на македонската економија, фокусирана на поддршка на мали и средни претпријатија, физички лица, дигитализација и иновација. На локалниот пазар се издвојува по германскиот “Hausbank” принцип на работа, кој се заснова на транспарентност во комуникацијата, поддршка и развивање на долгорочно партнерство со клиентите, како со правни, така и со физички лица.
Јованка Јолеска Поповска, член на Надзорен одбор на ПроКредит банка АД Скопје
“За нас е важно да бидеме блиску до своите клиенти и преку редовна и отворена комуникација да ги слушнеме и разбереме нивните потреби. Ова е клучната компонента на нашиот пристап во работењето и основа за градење на долгорочна соработка. Одговорниот пристап на банката кон кредитирањето помогна низ годините да се изгради доверба со клиентите кои за прв пат добија банка партнер која не ги гледаше само низ призмата на својот сопствен профит, туку со поддршката што им ја даваше гледаше долгорочен развој на нивните бизниси.” изјави Јованка Јолеска Поповска, член на Надзорен одбор на ПроКредит банка АД Скопје.
Така, во изминатите 20 години плодна и успешна работа, ПроКредит банка финансираше над 4.000 македонски компании и денес е еден од главните играчи во македонскиот банкарски сектор со пазарно учество од над 20% во делот на мали и средни претпријатија.
ПроКредит Банка на пазарот е препознатлива како пионер во дигитализацијата на банкарството со отворање на првите 24/7 зони во 2015 како замена на класичните банкарски филијали. Банката беше прва и во воведување на дигитална платформа за процесирање на кредитните и административните барања на клиентите, како и во промоција и поддршка на дигиталната еволуција кај компаниите. Самиот факт што банката е високо дигитализирана ја прави услугата, брза, ефикасна и квалитетна, како за бизнисите, така и за физичките лица.
Нешто што е карактеристично за Банката е стратешката насоченост кон развој на модерните форми на претприемништво преку понуда на уникатни програми и поволности за стартапи, млади претприемачи и бизниси водени од жени.
“Поддршката на претприемништвото е клучно за создавање одржлива и инклузивна економија. Новите претприемачи имаат потенцијал да креираат работни места и да го стимулираат економскиот развој преку иновации, конкурентност и понапредни деловни практики. Покрај понуда на бенефицирани финансиски услуги, нудиме платформа за вмрежување и едукација како поддршка на претприемачите во управување со својот бизнис, особено во областа на финансиите и одржливото работење кои се од клучно значење за долгорочен успех.“ додаде Јолеска Поповска.
Покрај јасниот фокус на развој на локалната економија, етичките и еколошките размислувања се длабоко вкоренети во структурата на ПроКредит и како институција прават максимални напори за минимизирање на негативното влијание, истовремено поддржувајќи и финансирајќи проекти кои имаат позитивно влијание.
“Еден начин на кој го правиме тоа е преку „зелено кредитирање“ за кое сме лидери на пазарот со 20% кредитно портфолио и истото вклучува финансирање проекти за енергетска ефикасност и обновливи извори на енергија. Покрај финансирање, веќе години наназад правиме сериозни заложби за едукација на нашите клиенти и промоција на соларната енергија како едно од решенијата за зголемена енергетска независност на компаниите “.
Централно за бизнис моделот на Банката е длабоко промислениот пристап кон човечкиот капитал кој е уникатен и значително се разликува од практиките на пазарот. Во процесот на селекција, Банката им дава шанса на младите луѓе без претходно работно искуство, но со интегритет, желба за учење и развој.
“Етичкото и одговорно банкарство може да е успешно само ако имаме вработени кои се поистоветуваат со вредностите на банката. Квалитетот и знаењето на вработените се наш најголем капитал по што сме препознатливи и кај клиентите. Промовираме позитивна работна атмосфера преку различност, едноставна хиерархиска структура и отворена комуникација со цел да ги привлечеме и задржиме вработените долгорочно.” заклучи Јованка Јолеска Поповска.
.webp){kind=icon}
Во моментов нема коментари за веста. Биди прв да коментира...