Додека здравствените власти низ светот бараат начини да ја запрат епидемијата со мајмунски сипаници, вложувачите се грабаат за акциите на компаниите кои би можеле да имаат корист од трката за сузбивање на болеста.
Акциите на производителите на вакцини, антивирусни лекови и заштитна опрема се барани затоа што вложувачите ја користат истата стратегија која им донесе профит за време на пандемијата со корона вирусот. Биотехнолошката компанија Bavarian Nordic и фармацевтската компанија Siga Technologies се во фокусот, исто и снабдуваачот со медицинска опрема Precision System Science Co.
Иако не така серииозно како со КОВИД 19, сепак ширењето на инфекцијата со мајмунски сипаници во повеќе од 70 земји за само неколку месеци ја поттикна Светската здравствена организација (СЗО) да прогласи глобална вонредна ситуација. Оваа може да биде дополнителен ветар во грб за трговијата.
„Во овој момент светот се потпира на еден производител, Bavarian Nordic, за производство на вакцина против мајмунски сипаници“, вели Маниш Баргава, управител на фондот Стратис Инвестмент Холдингс од Сингапур.
„За да држиме чекор со побарувачката, можно е да се очекува дека и други биотехнолошки компании ќе ги засилат истражувањата и производството. Тоа се гледа по силниот раст на цените на акциите во овој сектор“.
Еве кои компании се активните во овој сектор засега:
Вакцини и антивирусни лекови
Акциите на Bavarian Nordic се зголемија за три пати по мај кога данската Влада почна да ги нарачува вакцините против мајмунски сипаници – единствената одобрена специјално за оваа инфекција. Компанијата ги зголеми прогнозите на приходите неколкупати годинава.
Анлитичарите на Citigroup Inc. најавуваат покачување на цените на акциите за компанијата за 20 отсто , а можеби и повеќе ако има натамошно зголемување на ценните.
Акциите на другите компаниите кои произведуваат вакцини или антивирусни лекови исто така го имаат вниманието на американските трговци.
Залихите на Siga Technologies, која го произведува лекот Tpoxx, двојно се зголемија годинава. Терапијата е одобрена против мали сипаници во САД, и против мајмунски сипаници и други вируси во Европската унија и Велика Британија.
Tembexa на компанијата Chimerix Inc.е лек кој се користи за третман на мали сипаници и фирмата во мај најави дека ќе го продаде на Emergent BioSolutions Inc. Кога се работи за вакцините, ACAM2000 на Emergent е вакцина против мали сипаници која во некои случаи може да се користи и протв мајмунските.
Овие три компании - Siga, Chimerix и Emergent се клучните добитници од изјавата на СЗО дека мајмунските сипаници се глобална закана, според налитичарот на Cowen Inc., Boris Peaker.
„Со зголемување на изворите за лоцирање на контактите и тестирање во ЕУ и САД, претпоставуваме дека бројот на случаи значително ќе расте во наредните неколку месеци , што ќе доведе и до повеќе контрамерки“, вели Peaker.
Јапонија исто така почна истражувања дали вакцините против малите сипаници можат да го запрат ширењето на мајмунските, а ова може да го зголеми интересот за Meiji Holdings Co. затоа што нивниот оддел Biologics произведува вакцина против мали сипаници.
Тестови за вирусот
Компаниите кои произведуваат тестови и алатки за детектираање на вирусот се исто така во фокусот.
Во Јапонија, акциите на Precision System, компанија која произведува опрема за медицински тестирања речиси двојно се зголемија од крајот на јуни. Швајцарски Roche во мај најави дека разви три видови на тестови кои можат да им помогнат на научниците да откријат мајмунски сипаници.
Повеќе од 30 компании од Кина добија ЕУ сертификат за нивните производи за детекција на вирусот. Со ова тие што почнаа рано со актвиности како Autobio Diagnostics Co., Shanghai ZJ Bio-Tech Co. и Daan Gene Co. Shanghai ZJ имаат раст од речиси 40 отсто во јули.
Производителите на тестови за антигени и антитела како Zhejiang Orient Gene Biotech Co. и Assure Tech (Hangzhou) Co. се меѓу потенцијалните добитници.
.webp){kind=icon}
Во моментов нема коментари за веста. Биди прв да коментира...