Последниот голем производ на „Епл“, очилата за виртуелна реалност „Вижн Про“, нема да почне да се продава побрзо отколку што беше додека не се претстави поевтин модел следната година.
„Вижн Про“, уред кој чини 3.500 долари, допрва треба да продаде повеќе од 100.000 единици по квартал, а беше претставен во САД во февруари. Тековниот квартал би можел да донесе пад на продажбата од 75 отсто, соопшти компанијата која ги следи пазарните трендови, „ИДЦ“ (IDC).
Презентацијата на уредот надвор од САД на крајот на јуни ќе го компензира падот на продажбата во САД. Подостапна варијанта, за која „ИДЦ“ проценува дека би чинела околу половина, би требало повторно да го разгори интересот на клиентите во 2025 година, но продажбата можеби нема да порасне значително во текот на следната година, велат од „ИДЦ“.
Bloomberg
„Успехот на „Вижн Про“, без оглед на неговата цена, на крајот ќе зависи од достапната содржина“, рече Франциско Џеронимо, потпретседател на „ИДЦ“. „Додека Епл се движи кон продажба на производот на меѓународните пазари, од клучно значење е локалната содржина да биде достапна и на него“, додаде тој.
Првите реакции на уредот се измешани. Многу рецензенти и рани корисници ја пофалија напредната технологија, но некои од најголемите обожаватели на Епл сега го враќаат уредот. Неговата тежина и недостатокот на сопствени апликации и видео содржини се едни од главните причини поради кои луѓето одлучуваат да го вратат уредот. „Вижн Про“ не придонесе видно за заработката на компанијата по нејзиното деби.
Лошиот почеток го принуди менаџментот на компанијата да се преиспита и да почне да планира производство на поевтина верзија на уредот. Џеронимо предвидува дека поевтината верзија ќе ја удвои продажбата кога ќе пристигне во втората половина на следната година.
.webp){kind=icon}
