Компанијата „Шел“ (Shell Plc) им дава на мнозинството од своите вработени бонус еквивалентен на 8 отсто од нивната годишна плата, бидејќи приходите се зголемуваат до историски височини.
„Како признание за придонесот што нашите луѓе го дадоа за силните оперативни перформанси на Shell во предизвикувачка позадина, нашиот Извршен комитет одлучи да додели специјална награда од 8 отсто од платата за сите квалификувани вработени ширум светот“, соопшти компанијата преку електронска пошта.
Енергетскиот гигант минатата недела објави рекорден профит втор последователен квартал благодарение на зголемените цени на нафтата и гасот и силните маржи за рафинирање. Тоа е пресврт за компанија која скрати илјадници работни места, суспендираше бонуси и ограничуваше плати за време на пандемијата. Ова, исто така, поттикна повици за построго оданочување бидејќи потрошувачите страдаат од криза поради зголемените трошоци за живот.
Еднократната исплата ќе биде направена за повеќето од 82.000 вработени на Shell, но не и за персоналот кои се извршни потпретседатели или на повисоко ниво. Исто така бонусот нема да го добијат изведувачи и второстепени соработници.
„Наградата овозможува вработените да го споделат нашиот тековен оперативен и финансиски успех“, порачаа од Shell. „Тоа не е одговор на инфлацијата или предизвиците поради трошоците за живот“, додаваат од компанијата.
.webp){kind=icon}
