Гигантот за батериски материјали „Ганфенг литиум груп“ (Ganfeng Lithium Group Co.) соопшти дека ќе формира центар за тргување со деривати, што е знак дека индустријата се обидува да се заштити од ризиците по периодот на екстремна нестабилност и геополитички тензии.
Дериватите ќе се користат за намалување на ризиците од прекугранични инвестиции и за подобрување на финансиската стабилност, се вели во соопштението на кинескиот производител во понеделникот во кое се додава дека најголема дневна позиција нема да биде повеќе од 8 милијарди јуани (1,1 милијарди долари). Центарот ќе тргува со инструменти поврзани со акции, индекси, стоки и каматни стапки. Детали за персоналот или локацијата не беа наведени.
Глобалниот пазар на литиум беше екстремно нестабилен во последниве години, бидејќи бранот на нова понуда и загриженоста за растот на побарувачката поттикнаа циклус на намалена побарувачка за материјалите за батерии. Дополнително, производителите, вклучувајќи го „Ганфенг“ и ривалите, мораа да се борат со геополитичките и регулаторните промени додека владите се обидуваат да го заштитат пристапот до ресурсите.
Прочитај повеќе
Цената на литиумот во слободен пад
Се очекува вредноста на металот непходен за батериите за електрични возила да продолжи да паѓа и во наредната година.
23.11.2023
Bloomberg
Акциите на „Ганфенг“ во Хонг Конг го почувствуваа „возењето на тобоган“ на индустријата. Откако го достигнаа врвот на повеќе од 132 хонгкошки долари во 2021 година, тие потоа пропаднаа, а последен пат беа на 17,10 хонгкошки долари, при што компанијата забележа загуба во првата половина од оваа година. „Мечешките облози“ против акциите достигнаа рекорд во петокот.
Покрај операциите во Кина, компанијата го прошири своето влијание на глобално ниво, со ресурси во Аргентина, Австралија, Мали и Мексико. Минатиот месец, компанијата поднесе меѓународна арбитражна постапка против Мексико откако латиноамериканската нација откажа потенцијален проект вреден повеќе од милијарда долари.
Во посебна изјава во понеделникот, „Ганфенг“ објави планови за издавање на петгодишни странски обврзници до еквивалент од 200 милиони американски долари за проект во Аргентина.
.webp){kind=icon}
