text size
„Верн“, во сопственост на Мате Римац, започна со подготовки за изградба на фабрика за автономни електрични возила во соработка со белгиската компанија ВГП (VGP). Фабриката ќе биде лоцирана во Загреб, во рамките на „ВГП парк Загреб“, на површина од 28.500 квадратни метри. За оваа трансакција посредуваше ЦБРЕ (CBRE).
ВГП, која е специјализирана за логистика и индустриски недвижности, ќе го гради објектот. Ова е нивен прв ваков проект во Хрватска.
„Голема чест ни е да учествуваме во овој проект. Внатре во ’ВГП парк Загреб’ на 28.500 квадратни метри ќе се градат производствен капацитет, магацин и деловен простор како ’создаден по костум’ за Верн. Ова е уште еден таков проект во низата слични што ги водевме во последните години, што ја покажува важноста на ваквите трансакции во секторот на индустриски недвижности, заедно со закупот на магацини“, рече Соња Лончаревиќ, помошник-директорка во секторот за индустриски и логистички недвижности во ЦБРЕ, кој ја водеше оваа трансакција.
„Верн“
ЦБРЕ минатата година дејствуваше како ексклузивен советник на „Орбико Хрватска“ за нивниот дистрибутивен центар во Зденчина, со 40.000 квадратни метри во првата фаза од проектот. Пред една година ЦБРЕ советуваше за најголемата приватна инвестиција во Осиек во последните десет години, која вклучуваше изградба на модерни производствени капацитети за американски производител на електроника. Дополнително, ЦБРЕ го олесни закупот за купување дистрибутивен центар за ладилници во Велика Горица за „ХАВИ Груп“ (HAVI Group).
„Оваа трансакција дополнително докажува дека регионот на Југоисточна Европа, а особено Хрватска, е оптимална локација за индустрискиот и логистичкиот сектор поради неговата стратешка географска положба во Европа, професионалната работна сила, конкурентните оперативни трошоци и постојано растечката економија“, додаде Лончаревиќ.
Римац груп
„Индустрискиот и логистичкиот сектор на недвижности во Хрватска постигна значителен раст и ова е продолжение на рекордната активност забележана во претходните две години, а предвидуваме и продолжување на овој тренд“, изјави Божидар Гаќеша, раководител на одделот за логистика за недвижности за Југоисточна Европа во ЦБРЕ.
Потсетуваме дека изградбата на фабриката за автономни електрични возила е прва инвестиција на ВГП во Хрватска. ВГП е паневропска компанија, која се занимава со изградба, управување и сопственост на висококвалитетна логистика и полуиндустриски недвижности.
Применувајќи целосно интегриран бизнис-модел и долгогодишно искуство, ВГП го покрива целиот синџир на вредноста - од откупот на земјиштето до развојот и управувањето со имотот. Оваа семејна компанија, која работи во 19 европски земји, започна како градежна компанија, а денес е фокусирана на изградба на големи деловни паркови наменети за повеќе станари.
Фабриката ќе користи напредна технологија за производство, склопување и тестирање на автономните возила на „Верн“. Според „Верн“, неговата реализација ќе ѝ донесе на Хрватска многу придобивки и значителен напредок кон дигиталните и зелените технологии.
Фабриката ќе биде завршена и опремена во текот на 2025 година, а ќе започне со работа на почетокот на 2026 година.
.webp){kind=icon}
