Серија технички грешки ги прекинаа услугите на авиокомпании, банки, на Лондонската берза и на други институции на глобално ниво откако корпорацијата „Мајкрософт“ пријави прекин на онлајн услугите.
Првите дефекти се појавија во САД доцна во четвртокот, поради прекин на услугите на „Мајкрософт“, вклучително на „Азур“ (Azure) и на 365. „Фронитиер Ерлајнс“ (Frontier Airlines) со седиште во Денвер ги приземји летовите повеќе од два часа и за тоа ги посочи проблемите со онлајн услугите на „Мајкрософт“. Авиокомпанијата ја прекина пазуата и го започна процесот на обновување на националните летови од 23 часот.
Групацијата ЛСЕ (LSE), која управува со лондонската берза, соопшти дека се соочува со глобален технички проблем што спречува објавување вести. Во Азија, јапонските корисници почнаа да пријавуваат дефекти со услугите во попладневните часови, вклучително и со „Мајкрософт 365“ (Microsoft 365) - канцелариски софтвер базиран на интернет. Авиокомпаниите на аеродромите во Мумбаи и Хонг Конг се вратија на рачна проверка на патниците.
Најновите проблеми дојдоа веднаш откако „Мајкрософт“ соопшти дека го решил прекинот на облак-услугите на „Азур“. Статусните страници на компанијата претходно покажаа дека „Азур“ и „Мајкрософт 365“ имале проблеми неколку часа.
Портпаролот на „Мајкрософт“ рече дека компанијата ги разгледува пријавените прекини и проблеми.
.webp){kind=icon}
