.webp){kind=icon}
Германската „Дојче банк“ (Deutsche Bank) очекува добивка поголема за 430 милиони евра во третиот квартал поради договорот со голем број акционери на поранешната „Постбанк“ што ја тужеа.
Германската банка постигна договор со околу 80 акционери што поднесоа тужба, што е околу 60 отсто од вкупниот број, се наведува во соопштението објавено во средата. Надоместокот за акционерите (31 евро по акција) претставува околу 45 отсто од резервите што банката ги издвои за таа намена.
„Дојче банк“ издвои резервации од 1,3 милијарда евра во април, откако апелацискиот суд рече дека може да донесе одлука во корист на акционерите во долгиот судски спор. Банката ја забележа првата квартална загуба во последните четири години и ја паузираше програмата за откуп на акции. Преостанатиот износ треба да ја зголеми добивката во третиот квартал за 430 милиони евра, соопшти банката.
Правниот процес што започна по преземањето на ривалската „Постбанк“ е еден од најдолгите во кои е обвинета „Дојче банк“. Акционерите на „Постбанк“ тврдат дека „Дојче банк“ требало да понуди поголема сума кога ја презела банката во 2010 година.
„Дојче банк“ платила 25 евра по акција за акциите на „Постбанк“, а тужителите тврдат дека цената требало да биде 57,25 евра по акција, колку што била цената во 2008 година кога почнало спојувањето. Некои акционери бараа отштета од 64,25 евра по акција, адвокатот на група поранешни акционери на самиот старт ја одби понудата на „Дојче банк“ да плати 36,5 евра по акција.
