За љубителите на професионалниот спорт, увертирата од крипто-индустријата стана речиси невозможна да се пропушти: логоата и називите на берзите и блокчејн компаниите се исцртани на дресовите на тимовите, излепени на стадионите, а не изостануваат и рекламните спотови на ТВ во текот на полувремето.За нив зборуваат и истакнати играчи кои уживаат во профитабилни договори.
Оваа нова група на бизниси се движи агресивно од минатата година и веќе им се спротивставува на „рекламните мускули“ на пивските брендови, производителите на автомобили, телекомуникациските компании и другите докажани цврсти спонзори во спортот.
„Бајненс холдингс“ (Binance Holdings Ltd.), со седиште на Кајманските Острови, потпиша договори со фудбалската икона Кристијано Роналдо и Африканскиот куп на нации. „Коинбејс глобал“ (Coinbase Global Inc). склучи договор со НБА и кошаркарската ѕвезда Кевин Дурент. FTX на Бахамите има договори со МЛБ (големата бејзбол лига) и франшизи кои се движат од „Мајами Хит“ во НБА до тимот за е-спортови TSM.
Screenshot
Компаниите за криптовалути насочиле повеќе од 2,4 милијарди долари за спортски маркетинг во изминатите 18 месеци, според податоците собрани од Bloomberg, сето тоа во име на привлекување повеќе корисници во нивниот свет на Web3 - децентрализираната технологија што ја претставуваат како следното поглавје на интернет.
Меѓутоа, нивната големина може да се покаже минлива. Овогодинешниот тежок пад на пазарот на криптовалути ќе ја тестира подготвеноста и способноста на овие компании да продолжат да фрлаат пари на лиги, тимови и спортисти. Сепак, засега зделки продолжуваат да се склучуваат, што ги наведува сопствениците и директорите на спортските тимови да гледаат на криптото како следен голем придонесувач за поддршка на спортот.
„Постои оваа лавина од долари што паѓаат од небо“, вели Питер Лац, глобален управен директор на истражувачот за спонзорства IEG.
На инаугуративното гран-при на Формула 1 во Мајами оваа пролет, целиот комплекс беше опколен со знаци на „Крипто.ком“ (Crypto.com): банкините на тркачката патека, подиумот, трибините, дури и покривот на огромниот шатор за следење на трката беше брендиран со името на фирмата, така што хеликоптерите можеа да го фатат на нивните камери.
Додека тркачките болиди минуваа низ стартно-целната рамнина и влегуваа во првиот дел од свиоците на патеката, возеа покрај рекламни паноа со логото на компанијата, како и зелено-златни транспаренти од познатиот швајцарски производител на луксузни часовници.
„Треба на нас да гледаат како на исто ниво со 'Ролекс'“, вели Стивен Калифовиц, главниот маркетинг директор одговорен за спонзорскиот блиц на крипто берзата и за правење на маркетниг зделки во нејзино име.
Bloomberg Mercury
Калифовиц не сакаше да каже колку точно потрошил за да ги преплави 240.000 присутни и милионите ТВ гледачи ширум светот со крипто логоа во текот на тридневниот тркачки викенд. Но, тоа морало да биде доволно за да се осигура дека Crypto.com ќе биде најнезаборавното лого на настанот. „Не можам да глумам втора виолина“, нагласи тој.
Калифовиц е еден од пионерите во спортскиот јуриш на криптото. Пред да се приклучи на Crypto.com во 2020 година за да ги води нејзините напори да привлече повеќе корисници, тој соработуивал со Ејџ-би-о (HBO).
Но, падот во крипто сферата кој се одвива годинава одеднаш фрли во опасност милијарди спортски зделки. Заемодавачот на крипто со седиште во САД и спонзорот на „Далас Маверикс“, „Војаџер“ (Voyager Digital Ltd.) поднесе барање за стечај во јули, само осум месеци по потпишувањето на долгорочен договор со Националната женска фудбалска лига. Друг лидер, „Блокфај“ (BlockFi), кој ја поддржува НБА ѕвездата, Кејд Канингем, се трудеше со кредитни линии да остане во живот. Отпуштања имаше и во Coinbase, Crypto.com и Gemini Trust.
Што е крипто зима и каков тест е таа за дигиталните пари?
Дури и кога компаниите се намалуваат или пропаѓаат, Лац од IEG вели дека очекува спортските директори да продолжат да се хранат со крипто реклами. Навистина, по падот беа потпишани нови договори, како што е договорот на страницата за крипто коцкање „Стејк“ (Stake) со англискиот премиерлигаш Евертон во јуни. Неколку недели подоцна, берзата OKX го прошири спонзорството со Манчестер Сити со пријавени 20 милиони долари, според „Форбс“ (Forbes).
„Она што ќе го видите во продолжение е дека помалите играчи ќе почнат да отпаѓаат“, вели Конрад Виачек, шеф за спортска анализа во консултантската фирма „Глобал дата“ (GlobalData). „Но, големи зделки, во некои случаи, сè уште се потпишуваат“, додава тој.
И за крипто-стартапите, сè уште се достапни лукративни можности во спортот. Националната фудбалска лига (НФЛ) во САД неодамна ги укина блокадите за повеќето крипто пари за своите 32 тима, иако сè уште задржува некои ограничувања.
Покрај тоа, на четворица огласувачи од индустријата им беше дозволено да се претстават на овогодинешниот Супер Боул, трошејќи дури 7 милиони долари за 30 секунди во етерот.
.webp){kind=icon}
