ИБМ затвора оддел за истражување во Кина со над илјада работници

Корпорацијата „Интернешнл бизнис машинс - ИБМ“ (International Business Machines – IBM) затвора клучен оддел за истражување во Кина, што ќе влијае на повеќе од 1.000 вработени, објавија локалните медиуми, вклучително и „Јицаи“ (Yicai), во едно од последните повлекување на американски бренд од втората најголема економска сила во светот.

Компанијата затвора две деловни линии кои се специјализирани за истражување и развој и тестирање, објави „Јицаи“, цитирајќи изјава од ИБМ. Наместо тоа, ќе се сврти кон сервисирање на приватни претпријатија и избрани мултинационални компании кои работат во Кина понатаму, додаде „Јицаи“.

ИБМ се приклучува на растечката листа на компании кои ги намалуваат своите амбиции за Кина бидејќи економскиот пад, зголемена регулаторна контрола и желбата да се замени странската технологија, го намалува расположението. Големите компании од Волстрит, како што е „Морган Стенли“, префрлија некои операции во странство, додека странските инвестиции забавија делумно поради загриженоста дека Пекинг ги фаворизира локалните играчи.

Технологијата е особено чувствителна арена со оглед на тоа што САД и Кина се заглавени во конфликт околу клучните сфери како што се полупроводниците и вештачката интелигенција. Пекинг се обидува да го поттикне растот на националните шампиони, како што е „Хуавеј“ (Huawei Technologies Co.), загрижен дека ограничувањата на американската технологија ќе ги попречат долгорочните перспективи на земјата и ќе го скратат нејзиното геополитичко влијание.

ИБМ планира да ги премести своите сектори истражување и развој во Кина во канцеларии на други места, објави „Волстрит Журнал“, цитирајќи брифинг на вработените што го организираше Џек Хергенротер, потпретседател на компанијата. Американската компанија им кажа на некои вработени дека додава инженери и истражувачи во места, вклучително и Бангалор, Индија, објави „Волстрит Журнал“.

Претставниците на компанијата не одговорија на барањата за коментар надвор од нормалното работно време.

Во моментов нема коментари за веста. Биди прв да коментира...

Остави коментар