Геополитичките ризици го вивнаа профитот на чешки производител на дронови

Чешкиот производител на беспилотни летала „Примоко“ (Primoco UAV SE) објави рекорден полугодишен профит откако зголемените трошоци за одбрана на глобално ниво ја поттикнаа побарувачката. Нејзините акции пораснаа.

Компанијата со седиште во Прага има корист од порастот на трошоците за безбедност, поттикнати од руската инвазија на Украина, конфликтот на Блискиот исток и глобалните геополитички тензии. „Примоко“, која се приклучи на главниот пазар на Прашката берза претходно оваа година, произведува средни беспилотни летала кои се користат, меѓу другото, за борбено извидување и следење на границите.

Блумберг

Нето приходот за периодот јануари-јуни скокна за 81 проценти од претходната година на 121 милиони коруни (5,4 милиони долари), додека заработката пред камати, даноци, депрецијација и амортизација се зголеми за 128 проценти на 157 милиони круни, соопшти „Примоко“. Таа, исто така, ги повтори своите планови за проширување, велејќи дека ќе инвестира околу 750 милиони круни во нов објект за повеќе од двојно поголем производствен капацитет до 2027 година.

Компанијата очекува да потпише нови нарачки за дури 60 дронови UAV со вкупна вредност од околу милијарда круни оваа година, во споредба со 33 нарачки минатата година.

Акциите на компанијата денеска скокнаа за дури 12 проценти по објавувањето на резултатите. Акцијата се тргуваше за 7,3 повисоко на 960 круни до 10:10 часот во Прага, вреднувајќи ја „Примоко“ на 4,52 милијарди круни.

Во моментов нема коментари за веста. Биди прв да коментира...

Остави коментар