.webp){kind=icon}
„Мајкрософт“ се согласи да купи соларна енергија произведена од панели на стотици јавни станови и згради во државна сопственост во Сингапур, во обид да се приближи до своите климатски цели.
Технолошкиот гигант ќе купи 100 отсто од енергијата од проектот „Солар нова 8“ (SolarNova 8), кој е во сопственост на „ЕДП рињублес“ (EDP Renewables), соопшти во вторникот мадридската компанија.
„Солар нова“ е најголемиот соларен проект во Сингапур, а на ЕДП му беше доделена осмата фаза од програмата што ја започна владата во февруари. „Мајкрософт“ инаку се соочи со пречки во исполнувањето на своите амбициозни цели за зелена транзиција, кои бараат да стане јаглеродно неутрален до крајот на деценијата.
Компанијата објави 30 отсто пораст на емисиите минатата година во споредба со нивоата во 2020 година, во еден од првите конкретни примери за тоа како зголемувањето на инвестициите во вештачката интелигенција може да ги попречи напорите за намалување на загадувањето. Оттогаш таа ги засили напорите за да ги постигне своите цели за климата.
Според 20-годишниот договор за преземање, „Мајкрософт“ ќе ја преземе целата обновлива енергија произведена од проектот „Солар нова“, кој може да генерира дури 200 мегавати. Тоа е втор договор меѓу двете компании склучен во Сингапур.
