.webp){kind=icon}
Германската „ДСВ Холдинг“ ќе стекне самостојна контрола врз „Шенкер Акциенгезелшафт“ (Шенкер) со што доаѓа до голема концентрација на капитал во шпедитерската дејност на глобално ниво и во Македонија.
Имено, „ДСВ Холдинг“е глобално друштво за шпедиција и логистика, активно во патните, копнените, воздушните и морските шпедитерски услуги, како и во услугите за договорна логистика. ДСВ управува со својот деловен модел базиран на мали средства во повеќе од 80 земји, нудејќи услуги низ Европа, Америка, Азија-Пацифик, Блискиот Исток и Африка. „ДСВ Холдинг“ има едно регистрирано зависно друштво во Македонија - друштвото за транспорт, логистика и услуги „ДСВ Роуд“, кое е активно во полето на шпедитерски услуги.
„Шенкер“ е исто така глобално друштво за шпедиција и логистика, активно во копнени, воздушни и морски шпедитерски услуги, како и услуги за договорна логистика. Во 2023 година, има остварено приходи на светско ниво во приближно 76 земји. „Шенкер“ во Македонија има едно регистрирано зависно друштво за шпедиција, превоз на стока и складирање кое го носи истотото име.
За оваа концентрација на капитал е информирана македонската Комисија за заштита на конкуренцијата.
