Закерберг првпат стана втор најбогат човек во светот

Марк Закерберг во четвртокот првпат стана втор најбогат човек на светот, избивајќи пред Џеф Безос додека акциите на „Мета“ (Meta Platforms Inc.) продолжуваат да се искачуваат.

Облогот на Закерберг за метаверзумот - кој првично изгледаше како огромно промашување - се исплатеше во последниве месеци, зголемувајќи го неговото нето-богатство на највисоко ниво од 206,2 милијарди долари, според индексот на милијардери на „Блумберг“ (Bloomberg). Тоа го става на 1,1 милијарда долари пред Безос од „Амазон“ (Amazon.com Inc.) и речиси 50 милијарди долари зад Илон Маск од „Тесла“ (Tesla Inc).

Акциите на „Мета“ пораснаа за 23 отсто откако објави дека продажбите во вториот квартал се подобри од очекуваното и го промовира својот прогрес во сферата на големи јазични модели што ги напојуваат четботовите со вештачка интелигенција. Акцијата во четвртокот затвори на највисоко ниво од 582,77 долари.

„Мета“ потроши многу на центри за податоци и компјутерска моќ додека Закерберг работи на изградба на водечка позиција во трката за вештачка интелигенција низ индустријата. Компанијата исто така продолжи и со други долгорочни проекти, вклучувајќи ги и очилата за проширена реалност „орион“ (Orion), кои компанијата ги претстави минатиот месец.

Закерберг, кој поседува 13 отсто од акциите во компанијата со седиште во Менло Парк, Калифорнија, досега годинава доживеа раст на неговото богатство од 78 милијарди долари, најмногу од 500-те најбогати луѓе во светот следени од индексот на „Блумберг“.

Четириесетгодишниот соосновач и главен извршен директор годинава се искачи за четири места на индексот на богатство.

Во моментов нема коментари за веста. Биди прв да коментира...

Остави коментар