Хрватската компанија „Орбико“ има намера да стекне контрола над „ХБИ Италија Аквизиција“ (ХБИ Италија), соопшти Комисијата за заштита на конкуренцијата. Хрватската компанија се занимава со трговија на големо и во Македонија е преку истоименото друштво.
„ХБИ Италија“ е холдинг компанија која има повеќе ограноци(фирми ќерки) во Италија, Ирска и Германија чија основна дејност е производство и трговија на спортска облека и обувки од брендот „Чемпион“ (Champion).
„Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана“, соопшти.
Комисијата ги повикува заинтересираните трети страни да достават забелешки и мислења за оваа концентрација.
.webp){kind=icon}