Во блок трансакција вредна 5,4 милиони денари (околу 88.800 евра) денеска на Македонската берза се продадоа 6.340 акции од „Иново брокер“ АД Скопје коишто претставуваат 90,57 проценти од основната главнина на друштвото. Акциите се продадоа по цена од 862 денари за акција.
Инаку, Комисијата за хартии од вредност на 44-тата седница одржана во септември даде согласност на друштвото ВФП АД Скопје и на физичкото лице Петар Андреевски да стекнат квалификувано учество во брокерската куќа „Иново брокер“ АД Скопје.
„Друштвото ВФП АД Скопје ќе стекне 3.850 обични акции со право на глас, а физичкото лице Петар Андреевски 1.190 обични акции со право на глас во брокерската куќа ‚Иново брокер‘ АД Скопје. Трансакциите за стекнување на акциите треба да се извршат во рок од 90 календарски денови од денот на добивање на согласноста. Комисијата заклучи дека друштвото ВФП АД Скопје и лицето Петар Андреевски ги исполнуваат законските услови за акционери со квалификувано учество во ‚Иново брокер‘ АД Скопје и не претставуваат ризик за сигурното и стабилното функционирање на брокерската куќа“, соопшти тогаш Комисијата.
.webp){kind=icon}
Во моментов нема коментари за веста. Биди прв да коментира...