Комисијата за хартии од вредност на последната седница на струмичката компанија „Тотал инженеринг“ и издаде дозволи за давање понуда за преземање на две друштва. Станува збор за друштвото „Герас Цунев-конфекција“ АД Струмица каде понудата за преземање се однесува на сите 18.151 обични акции со право на глас.
„Преземањето на хартиите од вредност ќе се врши по цена од 310 денари по акција. Преземачот, до денот на објавувањето на намерата за преземање, поседува 49.841 обични акции односно 73,30 проценти од основната главнина на ‚Герас Цунев-конфекција‘ АД Струмица“, соопшти КХВ.
Второто друштво кое е предмет на преземање е „Герас Цунев-трговија“ АД Струмица каде понудата за преземање се однесува на сите 18.373 обични акции со право на глас, а цената на хартиите од вредност е 310 денари по акција.
„Преземачот, до денот на објавувањето на намерата за преземање, поседува 50.303 обични акции, односно 73,25 проценти од основната главнина на ‚Герас Цунев-трговија‘ АД Струмица“, информира КХВ.
Оттаму додаваат дела согласно понудите за преземање, преземачот не утврдил најмала количина на обични акции на кои се однесува понудата за преземање која треба да биде прифатена за понудата за преземање на двбете друштва да се смета за успешна.
„Блумберг Адрија“ веќе објави дека управител на „Тотал инженеринг“ е Вице Заев, брат на поранешниот премиер Зоран Заев.
.webp){kind=icon}