Лимови произведени во македонската компанија Макстил се користат за конструкција на модерни бродови за крстарење во светот. Еден од нив е А-РОСА Рајна (A-Rosa Rhine), кој е модерен брод за речно крстарење.
Според информациите, лимовите на Макстил се вградени во трупот на бродот а изведбата е направена во романското бродоградилиште Северин. Внатрешниот ентериер пак е го финиширало холандско бродоградилиште.
При изградбата на бродот се употребени 1.700 тони топловалани лимови произведени во Макстил.
Инаку овој брод овозможува одржлив начин на крстарење и придонесува да се намали загадувањето во градовите, бидејќи влезот во пристаниште се прави со користење на погон на батерии. Располага со 20 стандардни кабини и дополнителни 28 луксузни кабини за најмногу пет лица. На палубата има и базен од 23 квадратни метри.
Домашната компанија Макстил годинава во првото полугодие оствари добивка од 640 милиони денари. Производството на лимови во тој период се зголемило за над 15 отсто. Приходите од работење се 5,46 милијарди денари, од кои над 99 отсто се приходи од продажби.
Bloomberg Chartmaker
.webp){kind=icon}