Осигурителното брокерско друштво „СН Осигурителен брокер“ АД Битола преку Македонската берза информира дека исплатата на камата од шест проценти за издадените обврзници закажана за 1 март годинава не се реализирала поради несолветност и блокирани сметки на друштвото.
„Исплатата на доспеаната камата на имателите на корпоративна обврзница претставува најважен приоритет за друштвото и истата е планирана да се реализирана 30.04.2025 година“, соопшти друштвото.
Оттаму најавуваат тужба за одлуката за Советот на експерти на Агенцијата за супервизија на осигурувањето (АСО) за одземање на лиценцата за работа.
Прочитај повеќе
Одземена лиценцата за работа на „СН Осигурителен брокер“ од Битола
АСО констатира континуирано непостапување на субјектот по изречените супервизорски мерки
17.03.2025
„Моментално друштвото се наоаѓа во фаза на реструктуирање и репрограмирање односно потпишување заеднички договори со сите доверители со крајна цел обезбедување нормални услови за работа“, информираат од друштвото.
„Блумберг Адрија“ веќе пишуваше дека Агенцијата за супервизија на осигурување донесе решение за одземање на дозволата за вршење на осигурително брокерски работи на осигурителното брокерско друштво „СН Осигурителен брокер“ од Битола.
„Со цел заштита на правата на осигурениците и одржување на принципот за рамноправност на сите субјекти на осигурителниот пазар Агенцијата за супервизија на осигурување (АСО), согласно своите законските овластувања, ја одзеде лиценцата за работа на осигурително-брокерското друштво ‚СН Осигурителен брокер) АД Битола“, велат од АСО.
По извршените теренски супервизорски контроли од страна на стручните служби на АСО, констатирано е континуирано непостапување на субјектот по изречените супервизорски мерки.
„Врз основа на сите констатирани недоследности од супервизорските контроли и по исцрпување на сите законски мерки и рокови Советот на експерти на АСО ги прифати препораките на стручните служби и со консензус донесе одлука за одземање на лиценцата за работа на споменатиот субјект“, наведуваат од АСО.
.webp){kind=icon}
Во моментов нема коментари за веста. Биди прв да коментира...