„Кредит суис“ (Credit Suisse Group) го назначи шефот на трезорот на „Дојче банк“ (Deutsche Bank), Диксит Џоши за финансиски директор и ја промовираше Франческа Мекдонаг за оперативна директорка. Ова е прва голема реконструкција на менаџментот под новиот извршен директор, Урлих Кернер.
Џоши официјално ќе ја преземе функцијата на 1 октомври, на местото на Дејвид Метерс.
Мекдонаг, извршна директорка на групацијата Банка на Ирска (Bank of Ireland), првично беше ангажирана да управува со регионот на Европа, Блискиот Исток и Африка и требаше да ја преземе функцијата во септември годинава. Сепак, таа улога сега ќе му припадне на шефот на менаџментот за управување со средства и финансии, Франческо де Ферари.
Четвртиот извршен директор на Credit Suisse од 2015 година, Кернер има задача да ги „испегла“ скандалите и неправилностите кои со години ја тресеа банката до темел, што доведе до целосна промена на составот на Управниот одбор. Швајцарската банка вети големи промени и дебатира за иднината на илјадници работни места додека се обидува да ги намали трошоците за милијарда долари, објави Bloomberg.
Bloomberg
При назначувањето на Џоши, Кернер се потпира на искусен менаџер кој помогна да се стабилизира Deutsche Bank кога пред неколку години се бореше со намалување на кредитниот рејтинг и недоверба кај инвеститорите, или накратко со истото она со кое сега се соочува Credit Suisse. Помеѓу 1995 и 2003 година, Џоши работел во филијалите на Credit Suisse во Њујорк и Лондон.
„Диксит зад себеа има импресивни резултати, долгогодишно искуство во низа инвестициски банки, што е од непроценливо значење за нашата трансформација во висококонкурентна инвестициска банка и поодржлив бизнис на пазарот за управување со средства и финансии“, изјави денеска Кернер.
Credit Suisse го назначи Мајкл Бонакер за главен директор за трансформации. Бонакер се приклучи на Credit Suisse во февруари, откако претходно работеше како консултант за „Оливер Вајман“ (Oliver Wyman) и како директор за корпоративен развој во „Ју-би-ес груп“ (UBS Group). Тој за својата работа ќе одговара пред Мекдонаг.
Кернер се приклучи на Credit Suisse минатата година, откако ја загуби својата позиција при реконструкција на менаџментот во конкурентот UBS во 2019 година. Тој беше задолжен за управување со имотот пред да ја преземе функцијата извршен директор. Мајкл Џеј Ронгети привремено го презеде тој сектор, објави Credit Suisse.
.webp){kind=icon}