text size
Веганите кои копнеат по чоколадни наполитанки конечно ќе добијат КитКат.
Швајцарскиот прехранбен гигант Нестле (Nestle SA) денеска го лансира својот нов производ КитКат В (KitKat V), растителна верзија на еден од најпопуларните десерти во светот. Новиот производ на почеток ќе биде достапен само во 15 држави во Европа.
Bloomberg
„Имаме четворица од 10 потрошувачи кои велат дека се заинтересирани да се префрлат на храна базирана на растително потекло“, рече во едно интервју Корин Габлер, шеф на кондиторијата на Нестле за Европа, според кого податоците укажуваат на тоа дека веганските кондиторски производи имаат потенцијал за голема популарност меѓу потрошувачите. Пазарот на вегански чоколади цо моментов веќе се проценува на 533 милиони долари и се очекува да порасне на 1,4 милијарди долари во следните 10 години.
Вегански напад
На почетокот само скромно се бараа алтернативи за млечното чоколадо, тренд што сега го следат и големите брендови. Швајцарската фабрика за чоколади Lindt & Spruengli AG, која е позната по велигденските зајачиња завиткани во златна фолија, под својата етикета Hello продава чоколадни плочки на база на овесно млеко. Марс ги претстави велигденските верзии на своите брендови Bounty, Topic и Galaxy, а Cadbury на Mondelez International Inc. минатата година го лансираше Plant Bar, претставен како веганско издание на Dairy Milk. Сепак, имаше и неколку неуспеси во лансирањето на вегански кондиторски производи. Еден од примерите е кога Нестле го повлече својот производ Milkybar Wowsomes поради слабата побарувачка.
Bloomberg
Малопродажни цени
Помалку се добредојдени вестите дека во време на најлошата криа во последните неколку децении во однос на трошоците за живот, KitKat V ќе чини повеќе од обичната верзија. Тоа е затоа што самото производство е поскапо поради состојките кои чинат повеќе и поради потребата од строги мерки за чистење на производните линии, велат од Нестле.
Веганската верзија ќе се продава за околу 30-40 отсто поскапо од обичната чоколадна наполитанка. Сепак, од компанијата велат дека се обидуваат да најдат начин што е можно повеќе да ја намалат таа ценовна разлика.
„Нестле експериментираше со повеќе алтернативи за млечни производи, како овес, соја и бадем, пред да се одлучи својата формула да ја заснова на ориз најмногу заради правилната кремаста текстура, позната за љубителите на невеганската варијанта на тој производ“, објаснува Луиз Барет, раководител на Центарот за технологија за кондиторски производи Нестле во Јорк.
.webp){kind=icon}
