Огњен Лазиќ ја презеде функцијата генерален директор на Пивара Скопје од 1 јуни годинава, заменувајќи го досегашниот директор Душан Митрев, кој е унапреден на нова позиција во рамки на Coca-Cola HBC групацијата.
Лазиќ доаѓа од компанијата „Бамби“ во Србија, каде што последно ја извршуваше функцијата директор за маркетинг и комерцијална извонредност. Претходно, бил и директор за финансии на истата компанија, а има и искуство во индустријата за пијалаци и како консултант во ЕУ.
Во својата прва изјава, Лазиќ истакна дека му претставува голема чест да раководи со компанија со повеќе од 100 години традиција.
„Голема чест е да се преземе раководење на компанија со едновековна традиција, која зад себе има препознатливост, стабилност, тим со искуство, но и огромен потенцијал за раст... Целта е јасна, да останеме вистински 24/7 партнер за пијалаци и прв избор на пазарот“, изјави Лазиќ.
Неговиот фокус ќе биде насочен кон зголемување на ефикасноста, иновации, проширување на портфолиото и подобра поврзаност со потрошувачите.
.webp){kind=icon}
Во моментов нема коментари за веста. Биди прв да коментира...