Илон Маск ги наведе неодамнешните обвинувања од свиркач на „Твитер“ (Twitter Inc.) како нова причина да го прекине преземањето на платформата во вредност од 44 милијарди долари.
Пејтер Затко, поранешен шеф за безбедност во Тwitter, тврди дека покренал прашања за сериозни недостатоци во ракувањето со личните податоци на корисниците од страна на компанијата за социјални мрежи, вклучително и на употребата на застарен софтвер и тоа дека директорите прикривале информации за прекршувања и недостаток на заштита за корисничките податоци.
Во денешниот поднесок, адвокатите во име на Маск посочуваат дека наводите на Затко, вклучително и „огромните недостатоци“ во заштитата на платформата од хакери и прашањата за приватност, значат дека Twitter ги прекршил условите во договорот за спојување.
Акциите на Twitter паднаа за 1,3 отсто во претпродажното тргување во вторникот пред отворањето на берзите во Њујорк, на 39,50 долари, далеку под понудената цена на Маск од 54,20 долари.
Bloomberg
Маск со месеци се обидува да се извлече од преземањето на Twitter, првично водејќи се од тврдењето дека бројките за корисници на платформата се надуени со милиони ботови. Адвокатскиот тим на милијардерот неодамна го насочи своето внимание кон Затко, кој беше отпуштен од Twitter претходно оваа година.
Адвокатите и на Маск и на Twitter го повикаа Затко, кој рече дека претставниците на платформата за социјални мрежи не знааат или не се грижат да откријат колку налози се спамови или ботови.
Компанијата тврди дека ботовите сочинуваат помалку од 5 отсто од налозите и во јули го тужеше Маск со намера да го принуди да ја изврши предложената аквизиција. Оттогаш, повеќе од 100 луѓе, банки, фондови и други фирми се повикани во процесот поради тужбата, а судењето треба да започне на 17 октомври.
Портпарол на Twitter не одговори веднаш на барањето за коментар. Компанијата претходно ја нарече жалбата на Затко „лажна приказна за Twitter и практиките за приватност и безбедност на податоците, која е преполна со недоследности и неточности и нема важен контекст“.
Новите наоди ги надополнуваат тврдењата на Маск, а писмото објавено денеска посочува дека Twitter е во „материјална неусогласеност“ со обврските околу заштита на податоците и законите за заштита на корисниците и дека компанијата е ранлива поради пропусти во центрите за податоци.
.webp){kind=icon}
