Македонскиот телекомуникациски оператор „А1 Македонија“ ја избра американската компанија „Амдокс“ (Amdocs - NASDAQ: DOX) за модернизација на своите платформи за монетизација. Од „Амдокс“ соопштија дека оваа трансформација е дизајнирана да ја поддржи стратегијата за дигитален раст на „A1 Македонија“ и да обезбеди идни можности што ќе ги подобрат корисничките искуства и оперативните перформанси.
Според овој договор, „Амдокс“ ќе ги употреби своите решенија за фактурирање, наплата и каталози на производи, испорачувајќи конвергенција и основа подготвена за облак-услуги.
„Новата платформа ќе има напредна безбедност и ќе служи како робусна основа за конвергентна консолидација на моторите за монетизација на ‚A1 Македонија‘, поттикнувајќи агилност, скалабилност и поедноставени операции“, наведуват од компанијата.
Прочитај повеќе
АЕК распиша тендер за фреквенции за мобилна телефонија
Претходно, интерес пројави компанијата ОНЕ Македонија Телекомуникации ДООЕЛ Скопје
19.07.2025
„А1 Македонија“ лани со ЕБИТДА од 57 милиони евра, раст за 18,3 проценти
Приходите на „А1 Македонија“ се зголемиле за 8,2 проценти на 164 милиони евра, главно поттикнати од приходите од малопродажните мобилни услуги.
15.02.2025
Оттаму додаваат дека преку оваа модернизација, „A1 Македонија“ може да отклучи нови нивоа на флексибилност и одзивност во сите свои операции, забрзувајќи ги циклусите на иновации и овозможувајќи брзо лансирање на нови производи и услуги.
„Возбудени сме што започнуваме со оваа иницијатива за модернизација со ‚Амдокс‘“, рече Младен Ѓорѓиоски, директор за ИТ и услуги во ‚A1 Македонија‘. „Нивните остварувања и технолошкото лидерство ни даваат доверба да ги развиваме нашите платформи за монетизација за во иднина. Оваа соработка ни овозможува да постигнеме оперативна ефикасност, да изградиме безбедни платформи отпорни на иднината и да испорачаме агилни, супериорни кориснички искуства за нашите клиенти.“
„Оваа објава се темели на моментумот што го видовме низ целиот регион, вклучувајќи ја и нашата неодамнешна соработка со ‚А1 Груп‘ и го истакнува растечкиот интерес за флексибилни можности за монетизација подготвена за иднината “, рече Ентони Гунетилеке, претседател на групацијата за технологија и раководител на стратегија во „Амдокс“. „Со усвојувањето на нашите платформи за монетизација од следната генерација, ‚A1 Македонија‘ ќе биде добро позиционирана да ги поддржи нивните амбиции за раст, вклучително и побрзо време на пласирање на пазарот и беспрекорни кориснички искуства.“
.webp){kind=icon}
Во моментов нема коментари за веста. Биди прв да коментира...