text size
Компанијата од Босна и Херцеговина „Мистрал технолоџис“ (Mistral Technologies), една од најистакнатите технолошки компании на тамошниот пазар, официјално стана дел од HTEC Group.
Таа компанија, со седиште во Сан Франциско, САД, е основана во 2008 година од Александар Чабрило и Душан Косиќ, по потекло од БиХ. HTEC Group има канцеларии на 29 локации низ светот, а придружувањето на Mistral Technologies брои речиси 600 вработени во БиХ и повеќе од 2.000 во Србија, Северна Македонија, Словенија, Унгарија, Романија, Бугарија, Холандија, Шведска, Велика Британија и САД.
Mistral лани оствари нето добивка од 933.960 конвертибилни марки (476.355 евра), што е сериозен пораст во однос на 2020 година кога нето добивката изнесувала 405.425 КМ (206.782 евра), покажуваат податоците на босанскиот деловен сервис LRC. Во 2021 година оваа компанија имала приходи од 15.813.672 KM (8.065.577 евра), од кои 15.041.842 KM (7.671.915 евра) се остварени од извоз.
HTEC, пак, е најуспешниот српски стартап, а во јануари годинава Brighton Park Capital во него инвестираше 140 милиони долари. Компанијата во последните пет години инкасирала инвестиции во вредност од 124,2 милиони евра.
Со оваа аквизиција, двете компании сакаат да ги прошират своите полиња на делување, да понудат најдобри услови за работа во Југоисточна Европа и да им овозможат на талентите да работат на најнапредните и најпредизвикувачките инженерски проекти на глобално ниво со постојан професионален развој.
Facebook
„Оваа аквизиција ќе им даде можност на нашите вработени да работат на многу поголеми проекти и можност за побрзо напредување во кариерата. Како компанија со 300 вработени, досега работевме со големи клиенти. Меѓутоа, кога сте дел од компанија која вработува повеќе од 2.000 луѓе, поинтересни сте за големите компании кои се на листата на Fortune 500“, изјави за Блумберг Адриа, Мерсед Чамџиќ, основач и извршен директор на Mistral.
Чамџиќ посочува дека оваа аквизиција е позитивен пример за другите ИТ компании дека е можно да се постигне успех во Босна и Херцеговина, односно во поширокиот регион и дека таквите регионални компании можат да работат и за големи, глобални клиенти.
„HTEC Group планира со нас да ја развие најдобрата приказна во Европа, а нашата цел е да изградиме една од најголемите технолошки компании во регионот и да се позиционираме на светската мапа на технолошки компании“, додаде тој.
Ова партнерство е дел од поширока стратегија за раст насочена кон котација на њујоршката берза. Високото позиционирање меѓу светските лидери во обезбедувањето услуги за развој на дигитални производи значи и долгорочна стабилност, можност за работа со компании кои ги поставуваат стандардите на светскиот пазар и обезбедување најдобри услови за работа и професионален развој без граници, што е визијата на двата партнера.
HTEC
„Од првата средба со Мерсед и Санин (Сарачевиќ), знаевме дека Mistral е тимот со кој сакавме да продолжиме да ја градиме најголемата технолошка компанија во регионот. Mistral е една од ретките компании на овој пазар во која препознавме дека ги споделува нашите вредности и цели. Нивната посветеност кон луѓето и градењето можности за нивните тимови само дополнително ќе добијат на сила како дел од уште поголем тим со огромен спектар на интересни клиенти и технологии“, рече Александар Чабрило, ко-основач и извршен директор на HTEC Group.
Преку ова партнерство, компаниите ќе работат заедно за да обезбедат што е можно повеќе дополнителна вредност за нивните клиенти, вработени и заедниците во кои работат. Покрај тоа, нивната цел е да отворат можност за што е можно повеќе талентирани експерти во Босна и Херцеговина и другите земји од регионот за да можат да градат глобално конкурентни кариери без да ја напуштат земјата во која живеат.
.webp){kind=icon}
