На свиркачот кој покрена прашања за оперативни проблеми на социјалната мрежа, „Твитер“ (Twitter) му платил 7 милиони долари за да го обезбеди неговиот молк, вели адвокатот на Илон Маск.
Плаќањето беше спомнато на рочиштето на 6 септември во судскиот спор меѓу Twitter и Маск поради неговите обиди да го откаже купувањето на компанијата од 44 милијарди долари. „Му плаќаат на човекот седум милиони долари и внимаваат да биде тивок“, изјави на сослушувањето адвокатот на Маск, Алекс Спиро. Познавачите на случајот потврдија дека се работи за исплата на свиркачот Пејтер Затко.
Претставниците на „Твитер“ во четвртокот одбија да коментираат за исплатата на Затко, поранешниот шеф за безбедност на компанијата. „Волстрит журнал“ (Wall Street Journal) објави за исплатата во четвртокот. Весникот, повикувајќи се на неидентификувани луѓе запознаени со ова прашање, вели дека исплатата била дел од спогодба поврзана со изгубената отштета на Затко откако тој го напуштил Twitter. Договорот не му дозволува да зборува јавно, но би му дозволил да дејствува како владин дојавувач за неговото време минато во компанијата, објави весникот, цитирајќи извори запознаени со ова прашање.
Прочитај повеќе
Маск сакал да ја одложи зделката со Твитер поради ризик од светска војна
Адвокатите на 'Твитер' сакаат да го убедат судот дека Маск се откажал од договорот од 44 милијарди долари поради т.н. „каење на купувачот“.
07.09.2022
Маск додаде свиркач како нова причина да го откаже договорот со 'Твитер'
Маск ги наведе неодамнешните обвинувања од свиркач на „Твитер“ како нова причина да го прекине преземањето на платформата во вредност од 44 милијарди долари.
30.08.2022
Маск се повлече од купувањето на Twitter по тврдењата дека платформата ги довела во заблуда него и инвеститорите за бројот на спамови и ботови меѓу нејзините над 230 милиони корисници. Twitter, пак, тврди дека наводната загриженост за ботовите од страна на Маск е изговор за тој да се повлече од договорот во кој најбогатиот човек на светот наводно развил т.н. „каење на купувачот“ (анг. buyer's remorse).
Двете страни се подготвуваат за октомвриското судење во рамки на тужбата на Twitter со цел да се принуди Маск да го комплетира договорот. Судијката од Делавер, Каталин Мекормик, во средата го одобри барањето на Маск да ги додаде наводите на Затко во неговата противтужба. Но, таа го одбила неговото барање да се одложи судењето.
Пејтер Затко / Bloomberg
Милијардерот тврди дека Затко изразил загриженост за бројот на ботови во корисничката база на Twitter, заедно со наводите за слаба компјутерска безбедност и приватност, пред да биде отпуштен од компанијата. Маск тврди дека изјавите на Затко ги поддржуваат неговите аргументи дека тој легитимно го отфрлил договорот.
За време на сослушувањето пред Мекормик, адвокатите на Twitter го оспорија кредибилитетот на Затко, отфрлајќи ги неговите жалби како неверодостојни и мотивирани со цел да ѝ наштети на компанијата од која бил отпуштен.
Спиро застана во одбрана на Затко, велејќи дека свиркачот не побегнал од проблемите на Twitter откако ги зел парите. Наместо тоа, тој ги приложил своите жалби до Конгресот и регулаторите. Затко треба да сведочи пред комисијата на Сенатот следната недела, а е повикан да сведочи и во тужбата на Twitter.
.webp){kind=icon}
