„Ербас“ (Airbus SE) во последните денови од годината произведува авиони со забрзано темпо, а во компанијата расте уверувањето дека ќе успее да ја исполни целта за испораки што беше намалена пред само неколку недели, велат добро упатени извори.
Според еден од соговорниците, компанијата досега во декември испорачала околу 90 патнички авиони, а уште околу 35 веќе ги финализирале завршните пробни летови со клиентите и се подготвени за предавање. Изворот што брифира побарал да остане анонимен бидејќи бројките не се јавни. Другиот анонимен извор додава дека раководството засега нема никакви индикации дека повторно ќе мора да ја намалува целта.
Претставниците на „Ербас“ одбија да коментираат. Компанијата ќе ги објави официјалните бројки за нарачки и испораки за декември на почетокот од следниот месец, а тогаш ќе биде поставена и новата цел за годишни испораки на авиони.
Прочитај повеќе
„Ербас“ ја намали целта за испорака на авиони поради проблеми со панелите
„Ербас“ ја намали својата цел за испорака на авиони за годинава откако откри производствени грешки на својот најпродаван авион, моделот А320, за кои се потребни дополнителни проверки.
03.12.2025
Хаос на аеродромите - дефект на „Ербас“ е причината за откажаните летови
Авиокомпаниите ширум светот откажаа стотици летови и брзаат да ги приспособат распоредите, откако голем софтверски дефект на „Ербас“ се заканува да ја наруши клучната празнична сезона на патувања.
29.11.2025
„Ербас A320“ е на пат да го престигне „Боинг 787“ како најиспорачуван комерцијален авион
Серијата A320 на „Ербас“ е на пат да го престигне својот американски конкурент, „Боинг 787“ како најиспорачан комерцијален авион во историјата.
16.08.2025
ЕУ ќе го заштити „Ербас“ во трговскиот договор со САД, но не и „Ферари“
Како што се приближува ЕУ кон трговски договор со САД, нејзините преговарачи се фокусираат на заштита на клучните индустрии од огромните царини што треба да го погодат извозот на блокот веќе на 1 август.
09.07.2025
Ербас доби договор од 150 милиони фунти за слетување европски ровер на Марс
„Ербас“ ќе гради платформа за слетување што ќе испорача ровер произведен во Велика Британија на Марс за мисија со која што се бараат знаци на живот.
29.03.2025
„Ербас“ се обидува да го избегне непријатниот исход со неисполнување на целта за испораки, која внимателно ја следи пазарот, а која беше намалена пред само неколку недели. Компанијата ја направи ревизијата по серија проблеми со најпродаваниот модел A320, вклучувајќи масовно повлекување заради надградба на софтверот, а потоа и откривање панели на трупот што не ги исполнуваат спецификациите и бараат дополнителни инспекции.
Според најновата проекција, компанијата планира годинава да испорача околу 790 авиони, што е за 30 помалку од првичната цел. Тоа значи дека овој месец треба да бидат испорачани 133 авиони - речиси двојно повеќе од бројката во ноември. Иако „Ербас“ традиционално го забрзува фабричкото производство во последните недели од годината, годинава трката до крајната цел е речиси без преседан по својата динамика.
Испораките на авиони и кај „Ербас“ и кај „Боинг“ (Boeing Co.) се внимателно следени показатели, бидејќи се најголеми извор на готовински прилив за двете компании и даваат добра слика за стабилноста на синџирот на снабдување. Особено „Ербас“ со години се соочува со доцнења во набавката на компоненти, од внатрешна опрема до мотори, што често резултира со авиони што не се целосно подготвени за предавање на клиентите.
Во меѓувреме „Боинг“ успеа да излезе од подолга криза. Американскиот производител на авиони го зголеми месечното производство и склучи повеќе нарачки, делумно и благодарение на политичката поддршка од американскиот претседател Доналд Трамп, кој ја користи компанијата како економски инструмент во договорите со други држави.
.webp){kind=icon}
