Кога францускиот претседател Емануел Макрон излезе на сцената во Давос носејќи сини пилотски очила за сонце, Стефано Фулкир, извршен директор на iVision Tech SpA, мораше двапати да погледне. Речиси веднаш почнаа да пристигнуваат нарачки за „Очилата на Макрон“ - модел Doublé или Laminé aviator, кои во малопродажба се продаваат по цена од 659 евра.
Вниманието што го привлекоа очилата беше речиси еднакво на коментарите што ги предизвика говорот на Макрон, во кој тој жестоко ја критикуваше американската трговска политика. Францускиот претседател ги носеше очилата поради, како што самиот рече, мал, но непријатен здравствен проблем, за кој минатата недела се пошегува во Франција.
Портпаролот на Макрон потврди дека очилата се дел од брендот Henry Jullien.
Прочитај повеќе
Oчилата за сонце што не ги кријат очите се нов хит кај познатите
Ако очите навистина се прозорци кон душата, која е поентата целосно да се блокира погледот кон нив?
05.08.2024
„Алибаба“ лансира паметни очила со вградена вештачка интелигенција
Новите очила „кварк С1“ (Quark S1) вклучуваат вградени проѕирни дисплеи што прикажуваат контекстуални информации за видикот на корисникот на околината.
27.11.2025
Македонски паметни очила препознаваат емоции: На кој начин работат?
Нивната технологија, позната како OCOsense, е првата платформа во светот способна да препознава изрази на лицето.
09.07.2024
Истовремено, инвеститорите се стрчаа да купуваат акции од малиот производител на очила. Акциите на iVision Tech оваа недела пораснаа за повеќе од 70 проценти, со што пазарната капитализација на компанијата достигна 19 милиони евра. Во петокот тргувањето со акциите беше привремено запрено поради достигнување на максималниот дневен раст.
„По говорот на Макрон во Давос, интернет-страницата се урна поради големиот број нарачки“, изјави Фулкир во интервју за „Блумберг Њус“.
Моделите Doublé или Laminé aviator на интернет беа споредувани со ликот на Маверик, кој го глуми Том Круз во филмовите Top Gun, додека американскиот претседател Доналд Трамп во својот говор ја искористи приликата да му се потсмева на Макрон поради носењето очила.
„Сè започна во летото 2024 година, кога нè контактираше Елисејската палата затоа што Макрон за време на самитот Г20 требаше да има средба со висок функционер и сакаше да купи производ произведен во Франција како дипломатски подарок, а потоа купи и пар за себе“, рече Фулкир. „Му понудивме очилата да му ги испратиме бесплатно, но тој инсистираше да ги плати.“
Компанијата е основана во 2020 година, кога семејството Фулкир го купи локалниот погон на Safilo, уште еден италијански производител на очила. За време на пандемијата започнаа со производство на заштитни маски за лице, а потоа се вратија на изработка на рамки за очила. Henry Jullien го презедоа во септември 2023 година, по излегувањето на берза во август истата година. Веќе следната година започнаа силен бран на преземања, купувајќи дури четири компании само во текот на 2024 година.
„Во иднина компанијата би можела да разгледува и потенцијални аквизиции во Кина, со цел развој на бизнисот со паметни очила,“ изјави Фулкир
.webp){kind=icon}
