text size
„Опен еј-ај“ (OpenAI) е блиску до финализирање на првата фаза од новата рунда финансирање, која најверојатно ќе донесе повеќе од 100 милијарди долари, според лица запознаени со ситуацијата. Станува збор за рекорден договор за финансирање што би ѝ обезбедил на стартап компанијата дополнителен капитал за развој на своите алатки за вештачка интелигенција.
Додека производителот на Чет ГПТ се подготвува да потроши билиони за инфраструктурни инвестиции, вкупната проценка на компанијата, вклучувајќи го и идното финансирање, би можела да надмине 850 милијарди долари, според некои од лицата. Тоа е повеќе од првично очекуваните 830 милијарди. Проценетата вредност на компанијата, пред новото финансирање, ќе остане 730 милијарди долари, велат изворите кои инсистираат на анонимност.
Првиот дел од рундата за финансирање главно ќе дојде од стратешки инвеститори, меѓу кои „Амазон“, „Софтбанк“, „Енвидија“ и „Мајкрософт“, велат изворите. Ако овие компании инвестираат блиску до највисоките износи за кои се разговарало, нивните обврски ќе достигнат околу 100 милијарди долари. Се очекува тие да ги финализираат своите алокации до крајот на овој месец, според некои од лицата.
Прочитај повеќе
„Антропик“ обезбеди 30 милијарди долари нов капитал
Со ново финансирање од 30 милијарди долари, „Антропик“ ја зацврстува позицијата во глобалната ВИ-трка, и сѐ повеќе се приближува до ривалот „Опен еј-ај“.
12.02.2026
„Енвидија“ блиску до инвестиција од 20 милијарди долари во „Опен еј-ај“
„Енвидија“ е во завршна фаза на договор од 20 милијарди долари за инвестирање во „Опен еј-ај“, како дел од најновата рунда на финансирање на компанијата, според извори запознаени со ова прашање.
04.02.2026
„Енвидија“ го запира планот за инвестиции од 100 милијарди долари во „Опен еј-ај“
Ова укажува на можен раздор меѓу двете најмоќни компании во индустријата за вештачка интелигенција.
31.01.2026
„Опен еј-ај“ купува полски стартап за подобрување на ВИ-моделите
„Опен еј-ај“ плати нешто помалку од 400 милиони долари за компанијата со седиште во Варшава.
04.12.2025
Акциите на „Софтбанк“, која имаше околу 11 отсто удел во „Опен еј-ај“ во декември, пораснаа за 4 отсто по веста во четврток наутро во Токио.
Следната фаза од договорот - која ќе вклучи фондови за ризичен капитал, суверени фондови и други финансиски инвеститори - се очекува да се затвори подоцна и може значително да го зголеми вкупниот износ на финансирање, рекоа некои од лицата.
Договорот сè уште не е финализиран и деталите може да се променат, рекоа тие.
Претставници на „Опен еј-ај“, „Амазон“, „Енвидија“ „Софтбанк“ и „Мајкрософт“ или одбија да коментираат или не одговорија веднаш на барањата за коментар.
Во врска со претстојниот договор, се очекува „Амазон“ да инвестира до 50 милијарди долари, „Софтбанк“ до 30 милијарди, а „Енвидија“ разгледува вложување од 20 милијарди, претходно објави „Блумберг“. Парите од корпоративните инвеститори се очекува да пристигнат во неколку транши, односно рати, во текот на оваа година, рекоа некои од лицата.
Како дел од партнерството со „Амазон“, се очекува „Опен еј-ај“ да го прошири користењето на чиповите и облачните услуги на „Амазон“, рече едно лице.
.webp){kind=icon}
