„Македонски Телеком“ лани оствари добивка од 41,2 милиони евра

„Македонски Телеком“ во минатата година оствари нето добивка од 2,53 милијарди денари (41,2 милиони евра), што е зголемување за 13,2 проценти во споредба со претходната година. Од компанијата информираа дека зголемувањето е резултат на зголемените приходи од продажба и стабилните оперативни расходи, делумно компензирано со намалените финансиски приходи кои произлегуваат од прикажувањето на објективна вредност на финансиските средства (акции во други македонски компании) искажани преку добивката.

Оттаму додаваат дека приходите од продажба на крајот од 2025 година бележат зголемување од 3,2 проценти во споредба со претходната година и изнесуваат 12,5 милијарди денари (203,7 милиони евра). Во рамки на приходите од основниот бизнис се бележи раст од 1,1 проценти кај фиксните услуги, и раст од 3,8 проценти во мобилниот сегмент споредено со претходната година, додека приходите од системска интеграција бележат значително зголемување од 19,6 проценти.

 

Оперативната добивка пред камати, оданочување и амортизација (ЕБИТДА) во 2025 година изнесува 5,45 милијарди денари (88,7 милиони евра) и е зголемена за 7 проценти во споредба со претходната година заради зголемените приходи од продажба и стабилните оперативни расходи. ЕБИТДА маргината во 2025 година е зголемена за 1,4 процентни поени и изнесува 43,1 проценти во споредба со 41,7 проценти на крајот од претходната година