Онлајн трговијата во Македонија продолжува да расте. Забележан е раст од 18,5 отсто во првото полугодие. Отворени се 48 нови е-продавници што започнаа со онлајн продажба, но потенцијалот е многу поголем, вели во интервју за „Блумберг Адрија“ Нина Ангеловска, претседателка на Асоцијацијата за е-трговија.
„Вкупната вредност на онлајн трансакциите реализирани во земјата од Македонци и странци и во странство од Mакедонци изнесува над 328 милиони евра, што претставува пораст од 18,5 отсто во однос на истиот период минатата година“, посочи Ангеловска.
Bloomberg Adria
Сепак таа истакнува дека во овие трансакции, според методологијата на НБРМ, влегуваат сите онлајн трансакции, кои не мора да значи дека се онлајн купувања, затоа што станува збор и за онлајн плаќања на сметки за различни онлајн услуги.
Таа појаснува дека, од друга страна, во овие податоци не го гледаме плаќањето при прием на пратката.
Bloomberg Adria
„За тоа нема официјални податоци, меѓутоа разговараме со доминантните играчи на пазарот, разговараме со најголемите пошти што испорачуваат пратки и мора да кажеме дека доминантна улога или над повеќе од 50 отсто во учеството, кај некој дури и над 70 отсто, игра плаќањето и при прием на пратката, што не е во овие податоци“, вели Ангеловска.
Таа додава дека сумата од 328 милиони евра, сепак, е во потесна смисла на зборот е-трговија.
Bloomberg Adria
„Вредноста е многу поголема од оваа сума за која зборуваме ако се земат предвид и сите други наведени факти“, вели Ангеловска.
Бројот на вкупните онлајн трансакции во истиот период изнесува 9.3 милиони и е за 14,6 отсто повеќе од бројот на вкупно направените трансакции на виртуелните места на продажба, што значи просечната нарачка по трансакција се зголемува на 35,4 евра.
„Македонија и земјите од регионот сè уште се рангирани на дното во однос на повеќе индикатори што се однесува на е-трговијата“, вели Ангеловска.
Bloomberg Adria
Македонците најмногу трошат во Холандија, Велика Британија и Унгарија.
„Тоа е логично поради тоа што ’Визер’ е регистриран во Унгарија, ’Букинг’ е во Холандија“, вели Ангеловска.
.webp){kind=icon}
