Сакате да се спакувате како менаџер? Ги споделуваме тајните за патување на седуммина од нив

Добредојдовте во рубриката „Менаџери лично“, каде накусо Ве водиме во светот на директорите, менаџерите, претприемачите, со еден збор луѓето чии батерии мора нон-стоп да се полни, па дури и додека патуваат. А, како го постигнуваат тоа? Што ги релаксира? И како си ги прават интересни честите патувања? Подолу ќе прочитате различни трикови и совети од нашите соговорници, па можеби и ќе примените нешто на Вашето следно патување.

Стефан Митески, „platform product owner“ на глобалната платформа за осигурување во „Мерцедес бенц“ (Mercedes Benz), за себе вели дека покрај ѕидот во собата му стојат двата куфери (поголем и помал) кои постојано се спакувани најмногу поради честите патувања на релација Берлин-Штутгарт.

Стефан Митески, „platform product owner“ на глобалната платформа за осигурување во „Мерцедес бенц“ (Mercedes Benz) Приватна архива

 

„Не се случило да сум распакуван. Кога се враќам од пат распакувам куфери и веднаш ги пакувам за следното патување и така функционирам“, вели Митески, потенцирајќи дека додека патува задолжително со себе носи слушалки и батерија за полнење со многу голем капацитет. „Секогаш си спуштам некоја содржина од ‘Нетфликс' (Netflix) или ‘Јутјуб' (YouTube), а со себе носам и некоја мала книга и задолжително тефтерче во кое што запишувам мисли“, вели Митески.

Кусите патувања за него се убав момент бидејќи тоа е време кога никој за ништо не го вознемирува, а тоа му дава можност за фокус за активностите или работата во следните денови. „Од друга страна, ми смета тоа што немам постојан режим на исхрана или вежбање поради честите патувања. Па, се обидувам секогаш да имам на повидок некој одмор на неколку месеци, што ќе ми остава простор за размислување за тоа и за полнење со ентузијазам“, вели Митески.

Патувањата на Лазе Камчев, главен извршен директор на „НЛБ фондови“, често се куси и работни. Најголем дел од нив траат по два до три дена, со однапред утврдена агенда, во кои и нема многу слободно време, вели тој.

Лазе Камчев, главен извршен директор на „НЛБ фондови“ Приватна архива

 

„Поради тоа најчесто со мене носам лап-топ и дополнителна батерија за телефон. Динамиката на работата и обврските налага, независно од типот на патување, да сум постојано во контакт со соработниците и клиентите. Доколку патувам сам, често слушам или читам актуелни содржини“, вели Камчев.

Но, кога станува збор за малку подолги патувања или патувања со семејството, опремата за вежбање е нешто што задолжително го носи со себе. „Се обидувам да најдам малку време за себе кога ќе се створи прилика“, вели Камчев.

Илустрација: Rose Wong / Bloomberg Businessweek

 

Пред да стане извршна директорка на познатиот холистички велнес бренд „Натуропатика“ (Naturopathica), Кети О'Брајан работеше во „Ариста рекордс“ (Arista records) со ѕвезди како „Ноториос“ (Notorious BIG) и Ашер (Usher), а потоа и во козметичките компании „Ести Лудер“ (Estée Lauder) и „Џо Мелоун“ (Jo Malone). Нејзиното разновидно работно портфолио зборува за нејзината специфична рутина за пакување, почнувајќи од облеката: „’Вероника берд беверли' (Veronica Beard Beverly) фармерки (прилепени се и совршено одговараат на девојки со долги нозе); сиви ‘Адидас' (Adidas) патики; бел фустан; високи црни ‘Лобутен' (Louboutin) чизми; пар црни пижами ‘Иберџи' (Eberjey); ‘Бомбас' (Bombas) папучи“. Нејзините дополнителни основни работи во куферот се однесуваат на грижа за здравјето и неколку работи потребни за случајна дружба. „Носам витамини и антиестрогенски апчиња за рак на дојката (ми беше дијагностициран во 2023 година и завршив со зрачење минатиот мај). Комплет табла (backgammon) и шпил карти - секогаш забавно за во авион или за пиење со пријател или колега“.

Илустрација: Rose Wong / Bloomberg Businessweek

 

Претприемачот од Остин, Џонатан Свердлин, раководи со „Фанкшн хелт“ (Function Health), преку кој на членовите им нуди пристап до повеќе од 100 лабораториски тестови за следење на многу параметри за здравјето, од холестерол до метаболички функции. Тој често е на пат, а неговата листа за пакување е широка, но секако вклучува и некои производи наменети за здравјето.

„Секогаш пакувам еден пар фармерки AG, кожни 'Бландстоун' (Blundstone) чизми и најважното, долга бела кошула. Остатокот е разновидна, удобна облека за секој амбиент. Мојот комплет за преживување на стресот вклучува пренослив звучник, ноќно црвено светло, очила со сино светло, пиштол за масажа, ленти за вежбање и електролити“.

Илустрација: Rose Wong / Bloomberg Businessweek

 

Гара Пост го предводи „Д нау“ (The Now), кој започна во 2015 година како шик, но достапно место за масажи во Лос Анџелес, а денес работи на повеќе од 70 локации низ целата земја. Таа верува во моќта на организацијата.

„Планирањето е клучно за мене. Секогаш започнувам со список за пакување во ‘Гугл док' (Google Doc), што го ажурирам до самото патување. На тој список се техничките потреби. Никогаш не патувам без приклучок за полнење, батерии, резервен ‘Ајфон' (iPhone), мојот ‘Киндл' (Kindle) и камерата ‘Кенон пауершот' (Canon Powershot G7 X) за да останам поврзанa и да го уловам моментот“. Таа, исто така, се грижи да биде облечена за успех: „Тоа е особено важно и неопходно за патувањата каде што одам директно од лет на состанок или настан“, вели таа.

Илустрација: Rose Wong / Bloomberg Businessweek

 

Откако Јоханес Рек како коосновач во 2009 година ја лансираше „Гет јоур гајд“ (GetYourGuide), стана една од врвните платформи за резервирање патувања низ целиот свет; неговата компанија со 800 луѓе резервирала 150 милиони искуства во над 11.000 градови. Кога станува збор за патувања, извршниот директор со седиште во Германија има мантра: „За мене, да се биде присутен е клучот“. Сепак, тој прави исклучоци кога е на пат. „Секогаш ги имам моите ‘Ерпадс' (AirPods) за повици, подкаст или аудиокнига во авионот, како и добар пар патики за трчање. Некои од моите најиновативни идеи потекнуваат токму од активности како трчање“.

Илустрација: Rose Wong / Bloomberg Businessweek

 

Карли Закин е ко-основач и извршна директорка на медиумската платформа „Д ским“ (theSkimm), (ја основаше заедно со Даниеле Вајсберг пред повеќе од десетина години), на која сега има повеќе од 16 милиони жени. „Моите основни работи за пакување се за удобност и практичност“, вели таа. „Секогаш носам ‘Брукстоун' (Brookstone) перница за околу врат и како опција една помека перница од киоскот ‘Хадсон' (Hudson). Авионската перница за мене е нешто за што не може да се преговара - тоа прави огромна разлика при долгите летови“, вели Закин.

 

Текстот е напишан со помош на Кејт Кредер од „Блумберг“.