Ривалства кои ќе ја одбележат 2025 година

„Блускај“ (Bluesky Network) наспроти социјалната мрежа X, Кендрик против Дрејк и други расправии што вреди да се следат.

Сем Алтман против Илон Маск

Во еден агол: најбогатиот човек на светот, визионер на полето на електричните автомобили и ракетите и самопрогласениот „најдобар другар“ на Доналд Трамп. Во другиот агол: извршниот директор на „Опен еј-ај“ (OpenAI), против кого Маск поднесе тужба, обвинувајќи го за киднапирање на деловен проект за профит. Алтман и „Опен еј-ај“ ги отфрлаат овие тврдења, наведувајќи дека Маск само се обидува да му наштети на деловниот ривал. Маск возврати во стилот на Трамп нарекувајќи го Алтман „Конман Сем“.

Догмен против мечето Падингтон

Две многу различни верзии на детска забава се појавија во американските кина со разлика од една недела кон крајот на јануари. Главната ѕвезда на „Падингтон во Перу“ (третиот филм од серијалот кој собра пофалби од критичарите) е беспрекорно облечено, љубезно и многу британско мече. Главниот лик на филмот „Догмен“ (Човек куче) носи униформа, пие од тоалет, не зборува и доаѓа од светот на филмската франшиза „Кептен Андерпентс“ (Captain) Underpants.

„Блускај“ против Х

Благодарение на промената на Маск надесно и победата на Трамп на изборите, социјалната мрежа Х (поранешен Твитер) ја врати својата важност во споредба со изминатите неколку години. Сепак, многу новинари и познати личности кои придонесоа за популарноста на оваа платформа, сега масовно се префрлаат на „Блускај“ (Bluesky), каде што „твитовите“ се нарекуваат „скитови“ (skeets), а која во сите други аспекти помалку или повеќе наликува на „Твитер“ пред да го купи Маск.

Кендрик Ламар против Дрејк

Војната за навредливи текстови што избувна меѓу двајца рапери во 2023 година сега може да стигне до судовите. Компанија во сопственост на Дрејк објави дека подготвува тужба против стриминг платформата „Спотифај“ (Spotify) и издавачката куќа на Ламар поради наводно фаворизирање на навредливите песни на Ламар пред оние на Дрејк. „Спотифај“ допрва треба да коментира, додека музичката издавачка куќа УМГ (UMG), која ги застапува двајцата уметници, рече дека тврдењата се „навредливи и лажни“.

„Гугл“ против Гејл Слејтер

Американското Министерство за правда во ноември побара од федерален судија да го принуди „Гугл“да го продаде својот веб-прелистувач „Хром“ (Chrome). „Гугл“, кој го нарече предлогот „радикален“, се надева дека ситуацијата ќе се промени по јануари. Меѓутоа, кога Трамп објави дека го избрал Слејтер, помошник на новоизбраниот американски потпретседател Џеј-Ди Венс, да раководи со антимонополскиот оддел на Министерството за правда, тој посочи дека Слејтер нема да биде љубезен со „Гугл“. „Големите технолошки компании со години прават што сакаат“, рече тој.

Доналд Трамп против Џером Пауел

Се чини дека овие двајца мажи се подготвени да ја продолжат напнатата игра што ја одбележа нивната врска за време на првиот мандат на Трамп. Тоа веројатно значи дека Трамп гласно ќе се жали дека каматните стапки не се доволно ниски, додека претседателот на Федералните резерви (Фед), кој рече дека инфлацијата е сè уште повисока отколку што би сакала централната банка, ќе се обиде да се спротивстави на притисокот од претседателот.

Други расправии што ги следиме

Дискусија #Отпор или #Отказ; ривалството помеѓу производителите на никотински кеси „Зин“ Zyn и АЛП (ALP); токен „кикирики“ наспроти токен „правда“; дилемата за влечки „Крокс“ (Crocs) или „Брикенсток“ (Brikenstock); судирот со реалноста на одделот за истражување на виртуелна и проширена реалност на „Мета“, „Ријалити Лабс“ (Reality Labs); Француската крајнодесничарска лидерка Марин Ле Пен против естаблишментот; конфликт помеѓу актерската екипа од една страна и продуцентите на популарното шоу „Љубовта е слепа“ од друга; конфликтот помеѓу продавниците кои ги чуваат хигиенските производи под клуч и луѓето кои само сакаат брзо да купат шампон; слика на Инстаграм наспроти слика на луксуз и статус во стилот на поранешниот луксузен клуб на Трамп „Мар-а-Лаго“ во Флорида.

 

 

 

Во моментов нема коментари за веста. Биди прв да коментира...

Остави коментар