Компанијата „Еликсир груп“ работи во областа на агробизнисот и хемиската индустрија, со два производствени комплекса во Прахово и Шабац, со повеќе од 2.000 вработени. „Еликсир“ е лидер во производството на минерални ѓубрива и фосфорна киселина во Југоисточна Европа. Компанијата извезува повеќе од 70 отсто од своите производи во над 85 земји на сите континенти.
Оваа компанија се истакна на почетокот на најголемиот инвестициски циклус и приватен индустриски потфат во Западен Балкан „Прахово 2027“, чија реализација технолошки ќе поврзе проекти вредни повеќе од 300 милиони евра. Станува збор за четири најсовремени технолошки поврзани гринфилд-постројки и придружна индустриска инфраструктура во „Еликсир Прахово“. Така, на оваа локација ќе се изградат нова фабрика за фосфорна киселина, фабрики за производство на кристални, прашести и течни ѓубрива, како и фабрика за преработка на отпад, односно енергетско искористување на отпадот, единствена во регионот.
Завршувањето на изградбата на фабриката за производство на кристални минерални ѓубрива со годишен капацитет од 85.000 тони, која почна во текот на 2024 година, се очекува до крајот на 2025 година. Резултатот од овој инвестициски циклус ќе биде модерен, технолошки интегриран, ресурсно и енергетски ефикасен индустриско-хемиски парк, прв во Србија.
Се очекува преку нови капацитети и имплементирани технологии оваа компанија да ја намали потрошувачката на енергија и да ги декарбонизира изворите на топлотна и електрична енергија во производствените процеси, да го зголеми производствениот капацитет, да добие поефикасни производи и да придонесе за светскиот тренд на одржливо земјоделство. Во периодот по 2027 година се планира дополнително подобрување на енергетската ефикасност во сите капацитети, преку инвестиции во обновливи извори на енергија, соларни и ветерни електроцентрали.
.webp){kind=icon}
