Индустрискиот гигант од ерата на социјализмот во последно време доживува вистинска ренесанса, а 2024 година му помина во знакот на милијардите. Пред два месеца пазарната вредност на компанијата на Загрепската берза (ЗСЕ) достигна износ од една милијарда евра, а реално е да се очекува дека годинашните приходи ќе ја надминат таа граница, пред сѐ благодарение на силниот извоз.
Лани „Кончар“ продолжи да ниже договори од десетици милиони евра, склучи договор за заеднички деловен потфат со компанијата „Сименс енерџи“ и за основање на компанијата „Кончар - Трансформаторски котли“. Во Романија „Кончар“ договори ревитализација на хидроцентралата „Видрару“, во вредност од 188 милиони евра, а со Загрепскиот холдинг на средината на годината беше договорена испорака на 20 нови трамваи во ЗЕТ.
Тие заедно со финскиот „Кемпауер“ ја прошируваат мрежата на станици за полнење електрични возила во регионот, а на крајот на септември во Берлин, на најголемиот светски саем за транспортна индустрија „Инотранс“, претставија дури два свои воза. Станува збор за батериски и мерен воз, кои претставуваат најсложен високотехнолошки производ на хрватската индустрија.
.webp){kind=icon}
