Годината беше динамична за „Римац груп“, компанијата под чиј чадор се собираат компаниите „Бугати Римац“, „Римац технолоџи“ и „Проџект 3 мобилити“.
Во јуни Римац лично ја предводеше презентацијата на „бугати турбијон“ (Bugatti Tourbillon) во Франција. Тој хиперавтомобил вреди 3,8 милиони евра, а сите 250 примероци беа веднаш распродадени.
Компанијата „Проџект 3 мобилити“ на почетокот на годината успешно ја заврши инвестициската рунда од серијата А, инкасирајќи вкупно 100 милиони евра од приватни инвеститори. Потоа, летото и официјално го претставија проектот за робот-такси, наречен „Верн“, за кој се крена голема прашина во јавноста. Почна и изградбата на фабрика во која ќе се произведуваат целосно автономни возила, а компанијата ветува дека тие ќе се најдат на улиците на Загреб до 2026 година.
Во мај „Римац технолоџи“ потпиша договор со БМВ, според кој тие ќе развиваат и произведуваат високонапонски батериски системи за возилата за баварскиот автомобилски гигант, а во ноември склучи и договор за производство на погонски системи за „Сир“ (Ceer), првиот бренд на електрични возила во Саудиска Арабија.
.webp){kind=icon}
Во моментов нема коментари за веста. Биди прв да коментира...