Александар Костиќ е претседател на „МК груп“ (MK Group) и претседател на одборот на директори на „АИК банка“, додека извршното управување му е доверено на професионален менаџмент - одборот на директори во „МК груп“ и извршниот одбор во АИК.
Тој ја предводи банкарската групација „Агри Европа Кипар“, под чија контрола се „МВ инвестиции“, АИК и словенечката „Горењска банка“. Таа групација неодамна ја купи „Хипотекарна банка“ од Црна Гора и има удел во австриската „Адико банка“. Во последните години банкарскиот бизнис на групацијата е значително проширен. По купувањето на словенечката „Горењска банка“ и влегувањето на пазарот во ЕУ, „АИК банка“ изминативе две години ја презеде „Сбербанк“ во Србија, како и „Еуробанк директна банка“.
Целата групација вработува околу 4.000 луѓе. Дејноста на компанијата се заснова на три столба - земјоделскиот и прехранбениот сектор, туризмот и недвижностите, како и енергетскиот сектор во областа на обновливите извори на енергија. „МК груп“ годинава започна нов инвестициски циклус од 1,6 милијарда евра, кој треба да заврши до 2026 година.
Александар Костиќ и неговиот неодамна починат татко Миодраг Костиќ се годинашни добитници на „Признанието за добрина“, кое го доделува Српскиот филантропски форум. Нивниот подарок за општеството е „Палатата на науката“, првиот центар за истражување и популаризација на науката во Србија и веројатно најголемиот во регионот. Донацијата вредна 25 милиони евра за „Палатата на науката“ е една од најголемите индивидуални донации за филантропија во Србија.
Александар е добитник на наградата „Капетан Миша Анастасијевиќ“ во категоријата најдобар млад менаџер.
.webp){kind=icon}
